Santiago de Compostela, 16 de marzo de 2022. A conselleira do Mar, Rosa Quintana, mantivo hoxe unha xuntanza con representantes das principais entidades asociativas da frota galega para abordar a situación do sector ante a escalada nos prezos dos combustibles. Nela a titular de Mar expuxo a necesidade de actuar con celeridade e de adoptar medidas que teñan un efecto inmediato no sector, polo que demandou a convocatoria urxente dunha Conferencia Sectorial de Pesca por parte do Ministerio de Agricultura, Pesca e Alimentación para que o Executivo do Estado e as comunidades autónomas poidan avaliar distintas medidas a adoptar para afrontar o encarecemento do gasóleo, agravado nas últimas semanas pola guerra en Ucraína.
A representante da Xunta lembrou que o propio xefe do Executivo galego, Alberto Núñez Feijóo, propuxo na Conferencia de Presidentes da pasada fin de semana a posibilidade de rebaixar -de xeito xeneralizado, non exclusivamente á pesca- o IVE dos hidrocarburos ata situalo no tipo reducido ou superreducido. Neste sentido, Rosa Quintana defendeu a necesidade de que o Goberno central eleve unha consulta á Unión Europea sobre a posibilidade de aplicar esta medida, que tería un efecto inmediato dado que os impostos supoñen arredor da metade do prezo dos combustibles.
A conselleira do Mar salientou esta proposta como unha das posibilidades para actuar a curto prazo, á que engadiu outras máis específicas para o sector marítimo-pesqueiro como a concesión de axudas de mínimis para as frotas pesqueiras que non acaden o nivel mínimo de rendibilidade -de xeito compatible coas percibidas pola crise xerada pola pandemia do coronavirus- ou a flexibilización temporal e limitada das restricións á importación de materias primas que emprega o sector transformador de produtos do mar como poden ser os aceites.
Nesta liña, tamén trasladou a posibilidade de que España pida a Bruxelas unha flexibilidade interanual dos totais admisibles de capturas (TAC) e cotas, para que a frota poida consumir o próximo ano as cotas que non utilice este ano como consecuencia do encarecemento do gasóleo e da folga dos transportistas.
Reunión do Goberno central co sector
Rosa Quintana salientou a importancia de actuar de xeito inmediato para evitar a perda de frota -que foi esencial durante a pandemia para abastecer de alimentos de calidade á cidadanía- e lamentou que na reunión mantida onte polo Ministerio de Agricultura, Pesca e Alimentación co sector pesqueiro -á que non asistiron as comunidades autónomas- non se abordaron medidas demandadas polo sector e polos Gobernos autonómicos. Entre elas, a exoneración do IVE do gasóleo, a concesión directa de axudas de mínimis ao sector, a redución nos pagos á Seguridade Social ou a prórroga de préstamos e liñas ICO procedentes da etapa covid.
Pola contra, lamentou a titular de Mar, só se avaliaron medidas ao abeiro do artigo 26 do novo Fondo Europeo Marítimo de Pesca e Acuicultura (Fempa) para manter a subministración nos mercados e que non terían aplicación a curto prazo. Referiuse así ás axudas directas en base a un marco temporal específico que tería que desenvolver a Unión Europea ou as axudas para almacenamento de produtos da pesca, con dificultades de aplicación e beneficios limitados malia que é unha das poucas cuestións financiadas ao 100% polo Fempa.
A iso, engadiu a representante da Xunta, hai que sumar que aínda non está aprobado o programa operativo do Fempa en España, algo que pode tardar meses, polo que os apoios ao sector chegarían moi tarde. Por iso, Rosa Quintana insistiu na necesidade de actuar coa máxima celeridade pois ao problema polo encarecemento dos combustibles engádese a paralización da loxística do pescado, o que xera importantes perdas no conxunto do sector marítimo-pesqueiro galego.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
