Lugo, 17 de marzo de 2022. O voceiro do Grupo Provincial do Partido Popular, Javier Castiñeira, alerta de que “a inflación desbocada reduce as obras do Plan Único”. Neste senso, lamenta a “falta de ambición” do equipo de goberno, pois este encarecemento, que se sitúa no 7,5%, diminuirá en 1,5 millóns o investimento na provincia por parte do organismo provincial no marco desta iniciativa.
“Non estamos a falar de pouca cousa. Os Concellos van perder nada máis e nada menos que 1,5 millóns. Teremos, por tanto, menos obras e, todo elo, porque o equipo de goberno da Deputación non quixo nin quere recoñecer unha crise enerxética que xa estaba antes da guerra de Putin, e derivada da inexistencia dunha estratexia axeitada do Goberno de Sánchez. Se hai menos obra pública, tamén hai menos emprego e máis paro”, advirte.
“Un fracaso absoluto”
O Plan Único de 2022 someterase a aprobación o vindeiro pleno, día 29 de marzo. “Por iso, e porque aínda estamos a tempo”, dende o PP pídenlle a socialistas e nacionalistas que tomen canto antes medidas para compensar ás entidades locais esas perdas. “Os Concellos xa están sufrindo o elevado custo dos materiais, tal e como xa adiantamos en varias ocasións dende o PP, polo que conxelar este Plan no peor dos momentos é, afirma Castiñeira, “un fracaso absoluto”.
“Goberno anodino”
“Se a provincia ten un Plan Único é grazas ao traballo do PP -o PSOE e o BNG sábeno-. Con todo, temos que recoñecer que agardabamos algo máis deste equipo de goberno. Agardabamos que fose quen de estar á altura das circunstancias e das necesidades que temos, pero, unha vez máis, lonxe de buscar o interese dos lucenses, non só non fan nada novo, senón que nin tan sequera son capaces de reinventarse e de impulsar actuacións que palíen os efectos das políticas tan daniñas para o país que lidera o seu presidente Sánchez, e que nos están afectando a todos na cesta da compra, nos carburantes ou na luz”.
Aínda así, conclúe o voceiro do Grupo Provincial do PP, “nós seguiremos traballando ante a falta de xestión dun goberno anodino, como é o da Deputación de Lugo”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
