Ribadeo, 16 de marzo de 2022. O alcalde, Fernando Suárez, asegurou hoxe que a cidadanía e as empresas seguen a apostar por Ribadeo para instalarse aquí. Na última xunta de goberno foron concedidas licencias de obras maiores para a nova construción ou rehabilitación integral de 6 vivendas na vila e nas parroquias e tamén foron autorizadas actividades económicas como a instalación de 6 invernadoiros na Devesa, a creación dunha residencia canina en Ribadeo e unha canceira en Rinlo.
O rexedor dixo que “cada quince días aproximadamente temos xuntas de goberno ordinarias onde se outorgan, entre outros asuntos, as licencias de obras, logo de que pasen todos os informes técnicos e xurídicos favorables de acordo ás normas urbanísticas municipais e autonómicas”.
Suárez Barcia contou que “precisamente, provócanos unha enorme ledicia ver como, paseniño, se están dando unha chea de licencias de obra maiores, menores, de actividades económicas, tanto na vila como nas parroquias, o cal significa que a cidadanía de aquí e de aló segue apostando por Ribadeo. Concretamente na xunta de goberno celebrada onte á noite déronse 6 licencias de obras maiores, singularmente para a nova construción ou rehabilitación integral para 6 vivendas na vila e nas parroquias. E tamén onte se autorizaron actividades económicas como a instalación de 6 invernadoiros na Devesa, a creación dunha residencia canina en Ribadeo, unha canceira en Rinlo e a creación dun novo ximnasio na vila”.
Para o alcalde ribadense “pódese comprobar empiricamente que o feito de ter os instrumentos urbanísticos aprobados, modernos, vixentes provoca unha seguridade xurídica de saber o que se pode e o que non se pode facer que evidentemente acaba convertendo a Ribadeo nun lugar moi interesante para traballar, para vivir, etc”.
Fernando Suárez engadiu: “e vemos que nestes últimos tempos seguen entrando outras solicitudes tamén de obras de considerable envergadura que agardamos autorizar canto antes. De feito, cada 15 días celebramos xuntas de goberno e a única demora que se pode producir vén dada pola espera de informes sectoriais que poidan ser necesarios doutras administracións”.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
