Santiago de Compostela, 03 de marzo de 2022. A voceira de Pesca do Grupo Parlamentario Socialista, Patricia Otero, alertou hoxe da posibilidade de que se perda unha gran cantidade de fondos europeos para a pesca e o sector do mar pola lentitude e a falta de eficacia da Xunta á hora de executalos.
Otero expresou a súa preocupación por este risco na Comisión de Pesca do Parlamento, onde tras unha pregunta formulada polo PSdeG se evidenciou que aínda quedan por executar 171,50 millóns de euros dos 371,02 de euros que se lle asignaron a Galicia no FEMP. Isto supón “menos do 50 por cento”, en concreto o 42,37 por cento, nunha comunidade “na que o sector é estratéxico e fundamental” e ademais “cando tan so queda pouco máis ano e medio para culminar a súa xestión”.
Na súa pregunta ao goberno galego, Patricia Otero incidiu ademais na ralentización que sufriu a execución destes fondos no ano pasado, algo para o que “non poden usar como pretexto a complexa situación derivada da pandemia”. Nesta liña explicou que en 2020, nos peores momentos da crise da covid, se executaron 62,9 millóns de euros. Mentres, en 2021, a cantidade foi menor e só chegou aos 47,8.
“Falan de compromiso co sector”, advertiu a deputada socialista, “pero ese compromiso ten que ser real, demostrarse con feitos e, neste caso, cun maior grao de execución destes fondos FEMP”.
Ao fío disto, Patricia Otero tamén lamentou a falta de resultados tras a creación por parte a Xunta dunha subdirección xeral específica para axilizar e optimizar a xestión destes cartos. “Tiñamos postas moitas esperanzas en que se notase a posta en marcha deste organismo”, sinalou Otero, “pero o certo é que os datos non o demostran”.
Así, evidenciou que dende maio do ano pasado só se executaron 82,50 millóns de euros. Polo tanto, esa entidade “non está a facer que se cumpra o obxectivo que se marcou cando se creou porque non foi quen de darlle un pulo ao sector”.
Neste contexto, Patricia Otero instou á Xunta a traballar con feitos a prol dos profesionais do mar, executando unha maior cantidade dos fondos FEMP porque “existe a posibilidade de que se perdan moitos millóns de euros e que acaben por non beneficiar ao sector”. Por iso -tras lembrar que Galicia é a comunidade autónoma do Estado que máis cartos recibe neste eido- subliñou que tamén “debemos ser tamén a que máis executemos, a ser posible o cen por cen”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
