Foz, 2 de marzo de 2022. O grupo municipal do PP avisa ao goberno presidido polo socialista Fran Cajoto de que non vai permanecer impasible diante dos reiterados cambios de fecha, con respecto ao acordado pola corporación, para a celebración dos plenos ordinarios. Ao mesmo tempo denuncia que o alcalde incluíu na orde do día da sesión plenaria fixada para mañá un asunto relacionado coa nova depuradora de augas residuais, sen convocar previamente á comisión constituída, por acordo plenario, para o seguimento de todo o relacionado con tan importante infraestrutura. O portavoz popular, Javier Castiñeira, sinala: “Unha vez máis, o alcalde cambia a data establecida para a celebración do pleno ordinario, o último xoves de cada mes, para o primeiro xoves do mes seguinte, algo que vai en contra do establecido pola propia corporación municipal: dende o PP non imos volver a admitir isto”. Os populares din que o cambio reiterado “obedece única e exclusivamente á incompetencia e á falta de organización do equipo de goberno, non ao interese do concello; efectivamente, nun momento dado se pode cambiar a data ou se pode facer un pleno extraordinario, segundo unha necesidade propia do concello, pero non pola desorganización do equipo de goberno”.
Castiñeira sinala: “Nesa mesma dinámica de illamento político do alcalde, de incumprimentos de mandamentos da corporación, dende o PP denunciamos que novamente veñen ao pleno asuntos relativos á nova depuradora de augas residuais sen pasar pola comisión específica de seguimento”. Explica que “é unha comisión que foi creada por mandato da corporación, na que ademais dos voceiros de cada grupo están incluídos os representantes das asociacións de veciños afectadas, que deben ser informadas de calquera asunto que vai ao pleno”. Cajoto, di Castiñeira, “segue sen convocar esa comisión, que é absolutamente necesaria nestes momentos, dado que por parte de Augas de Galicia se están dando pasos importantes”.
O portavoz popular destaca: “Cajoto, co permiso do BNG, pretende silenciar as voces da oposición e das asociacións veciñais, con tácticas como esta, que están cerca de ser tácticas caciquís, porque van en contra da participación cidadá propia dunha sociedade democrática”. Sinala “o cacao e as incoherencias que ten o señor Cajoto coa depuradora nova”. É unha infraestrutura “á que sempre se opuxo, porque defendía a ampliación da actual, no peirao, e apoiaba as reivindicacións dos veciños que estaban en contra da nova de Forxán, aos que enganou e meteu en gastos”. Asegura que “o alcalde incorre nunha desorganización absoluta neste tema”. Castiñeira ve a proba máis clara do que di no feito de que “a día de hoxe o expediente da depuradora é o iniciado polo PP e por Augas de Galicia cando gobernaba o Partido Popular”.
Castiñeira resume: “O señor Cajoto está instalado nas súas incoherencias e dende logo os populares non imos admitir que non haxa nin transparencia nin a participación cidadá que demanda un asunto tan importante como é a nova depuradora de Foz”.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
