Lugo, 11 de marzo de 2022. O portavoz de Emprego do Grupo Popular, José Manuel Balseiro, demandou hoxe a posta en marcha desde as distintas administracións dun plan de apoio aos autónomos “conscientes de que son un dos colectivos que máis están a sufrir as dificultades derivadas do actual contexto económico”. Este plan de choque, co que busca apoiar aos preto de 208.000 autónomos galegos, dos que 32.000 son lucenses, estaría baseado en tres eixos: novos estímulos para evitar peches e contribuír ao seu fortalecemento, reducir a fiscalidade que soporta este colectivo e, finalmente, medidas dirixidas a frear a escalada de prezos.
Segundo Balseiro, “os autónomos, que son un colectivo prioritario pola súa capacidade de creación de riqueza e de emprego, precisan de reaccións inmediatas para evitar que se poña en risco o seu futuro, xa que aínda arrastran as consecuencias das restricións derivadas da pandemia e no último ano soportan, ademais, a escalada dos prezos enerxéticos, da escaseza e incremento dos prezos das materias primas, da alza da inflación e da alza do salario mínimo”.
MEDIDAS DE ESTÍMULO
No primeiro dos ámbitos, o portavoz popula puxo como modelo á Xunta, insistindo na necesidade de dar continuidade ás medidas de apoio e de estímulo que contribúan á viabilidade e consolidación dos proxectos empresariais e da actividade económica que realizan os autónomos.
Así, lembrou que só no pasado ano o Goberno galego ten inxectado máis de 610 millóns de euros en axudas directas ao tecido produtivo galego, constituído na súa maioría (no 97%) por autónomos e microempresas.
O deputado popular tamén cre que “a liña a seguir por outras administracións deben ser a das reformas emprendidas polo actual Goberno galego, tales como a eliminación de trabas burocráticas, a mellora das medidas de impulso ao traballo por conta propia, así como a posta en marcha de axudas directas e de vías de asesoramento como a nova oficina virtual”.
REDUCIR A FISCALIDADE E A ALZA DE PREZOS
Para Balseiro tamén “é imprescindible unha redución da presión fiscal que soportan os autónomos e, por suposto, desterrar calquera intento de subir o que pagan polas súas cotizacións, como xa aconteceu o pasado decembro, coa suba que o Goberno de Pedro Sánchez incluíu nos orzamentos xerais do Estado, sen comunicación previa nin diálogo co sector”.
Desde o PP, o novo sistema de cotizacións para autónomos debe nacer do consenso e non debe permitirse que a maioría dos autónomos vexan incrementados os seus custos de xeito inxusto e co único afán recadatorio.
Finalmente, Balseiro reclama tamén medidas eficaces para conter a escalada de prezos actual. Neste sentido, censurou iniciativas do Goberno de España como a suba de impostos aos carburantes e do imposto de matriculación e de circulación; as novas tributacións sobre plásticos e residuos; xunto á harmonización fiscal á alza. Tamén son negativas iniciativas futuras, como establecemento de peaxes pola utilización das autovías, que suporán que paguen máis os autónomos.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
