Foz, 18 de marzo de 2022. O Concello de Foz presentou hoxe, venres, na Casa da Cultura o Plan de Mobilidade Sostible, nun acto público para as veciñas e veciños do municipio. Participaron o alcalde, Fran Cajoto; o concelleiro coordinador da Axenda 2030, Carlos García, e técnicos da empresa redactora.
Os asistentes foron informados dos resultados dun traballo colectivo, no que participaron non só os técnicos da empresa e o equipo de goberno, senón todos os grupos políticos, técnicos municipais, Policía Local, Protección Civil, asociacións de veciños, asociación de comerciantes, profesionais de moitas materias e numerosos veciños e veciñas de a pé. O alcalde destaca que “cando todos estamos a sumar nótase. Este documento é unha guía, un plan marco que nos dá unha imaxe moi clara das deficiencias que temos na vila e no conxunto do concello en canto á mobilidade e que camiño debemos seguir. Analizáronse os desprazamentos diarios das persoas e definíronse eixos claros en torno ao transporte público, aos estacionamentos, ás rutas peonís, ao uso da bicicleta.
Tamén no relacionado aos accesos ao núcleo urbano, ao que se incorpora o Acceso Foz Centro, que está a proxectar o Ministerio de Transportes, Mobilidade e Axenda Urbana. É un documento completo, susceptible de modificacións, pero que xa se está a empregar en actuacións que se iniciaron hai ben pouco, como na urbanización de Costa do Castro -subida ao cemiterio de Foz- e na renovación da rúa Limoeiros”.
O concelleiro Carlos García incide no proxecto de futuro que ten Foz, no que “está moi presente o obxectivo 11 da Axenda 2030, que establece que as cidades e pobos deben ser inclusivos, seguros, resilientes e sostibles. Debemos ir cos tempos: primar a seguridade, eliminar barreiras arquitectónicas e que Foz sexa máis amable, máis cómodo, máis atractivo para vivir. En función dos orzamentos imos desenvolvendo as distintas accións”.
Fran Cajoto desvelou a seguinte actuación para a que se está buscando orzamento na vila: o eixo que conforman Salvador de Madariaga e a Avenida dos Irmandiños. “Con esta guía podemos actuar con criterio e sentido común. O que queríamos evitar a toda costa son problemas como os enormes atascos que se produciron no ano 2018 a consecuencia de dispoñer as dúas rúas principais da vila no mesmo sentido de circulación. Vamos seguir traballando: estamos ultimando tamén a páxina web do Concello e seguimos coa renovación do rueiro. Hai moitas actuacións pendentes, pero o Plan de Mobilidade é un dos compromisos cumpridos do programa electoral co que nos presentamos”, engadiu o alcalde.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
