Ribadeo, 7 de marzo de 2022. O alcalde, Fernando Suárez, ven de enviarlle unha carta ao presidente da Xunta, Alberto Núñez Feijoo, na que o Concello se compromete a crear unha rede de voluntariado entre as familias ribadenses que quixeran de xeito solidario e altruísta manter contacto e ir integrando na sociedade aos posibles refuxiados de Ucraína que puidesen chegar ata aquí. O rexedor ofrece a colaboración do Concello de Ribadeo á Xunta de Galicia e proponlle que inclúa entre as infraestruturas para acoller a esas persoas o Campamento Xuvenil da Devesa, xa que está nunhas óptimas condicións para acollelas con comodidade durante un tempo indeterminado.
Suárez Barcia dixo que “por mor desta inadmisible e terrible guerra creada por Rusia e polo seu presidente Putin contra a poboación de Ucraína, vemos que desde o goberno do Estado e desde a Xunta se están a coordinar para ofrecer prazas de acollida de posibles refuxiados que poidan vir dese país invadido. E desde Ribadeo temos que dicir que sempre fomos un concello aberto e de xentes solidarias e dispostas a botar unha man do xeito que mellor se adapte ás circunstancias, ben sexa en materia de acollemento ou en materia de acción humanitaria en xeral”.
O alcalde ribadense sinalou que “a verdade é que vemos que nestes momentos está sendo todo un pouco confuso sobre o mellor xeito de poder axudar e de aí que lle acabamos de comunicar ao presidente da Xunta o noso compromiso de poñer da nosa parte todo canto poidamos facer. Vemos que no tocante a Ribadeo xa ofreceron o centro de Pedro Murias, pero botamos de menos que non ofrezan o albergue da Devesa, porque estas instalacións de titularidade autonómica están nunhas óptimas condicións para acoller varias ducias de persoas con comodidade e por un tempo indeterminado”.
Fernando Suárez manifestou que “con todo, debemos pensar que con acoller a cidadáns doutras nacionalidades en lugares comunitarios como estes non resolvería o problema, dado que habería que ir socializando e habería que ir integrándoos paseniñamente na nosa sociedade durante o tempo que poidan estaren aquí. Para iso, desde o Concello de Ribadeo comprometémonos a crear unha rede de voluntariado entre as familias do noso concello que quixeran de xeito solidario e altruísta manter contacto e ir integrando na nosa sociedade a estes posibles refuxiados”.
O rexedor engadiu que “estamos convencidos que se facemos un chamamento serio e coordinado a través dos nosos servizos sociais a toda a cidadanía de Ribadeo para acollemento directo ou para integración paulatina destas persoas habemos, sen dúbida, ter unha resposta positiva e rápida. Así pois ofrecemos facer todo isto coa necesaria coordinación coa Xunta, coa Deputación e co goberno do Estado. Estamos seguros de que poderemos ser un exemplo de recepción, de coidado e de integración destas persoas que acaban de ter que fuxir dos seus fogares, dos seus pobos e das súas cidades por mor dunha agresiva invasión militar”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
