Lugo, 11 de abril de 2022. A Deputación de Lugo informa de que, atendendo aos informes elaborados ao respecto polo servizos xurídicos da institución provincial, interpoñerá ante o TSXG un recurso de apelación contra a sentenza ditada polo Xulgado Contencioso Administrativo número 1 de Lugo en relación coa compra dunha acción do capital social da empresa pública Tragsa e co encargo á mesma do servizo de mantemento das zonas verdes provinciais.
Nos devanditos informes, os servizos xurídicos amósanse en profundo desacordo co contido da sentenza porque a Deputación de Lugo seguiu no procedemento “de maneira clara, meridiana e palmaria” todos os trámites precisos para a compra da acción de Tragsa, tal e como avalan todos os informes que obran nos expedientes, emitidos polos servizos de Secretaría Xeral, Secretaría Xeral Adxunta, Intervención e Patrimonio.
A Deputación insiste en que a sentenza non é firme, polo que non modifica en ningún aspecto a relación da Deputación con Tragsa como medio propio personificado.
Non obstante, en tanto non se resolva o recurso de apelación e co fin de extremar as garantías de seguridade xurídica das actuacións provinciais, os servizos xurídicos da Deputación estiman procedente adoptar acordo polo Pleno no mesmo sentido que os acordos adoptados polas Corporacións ás que se fai referencia na sentenza. Con base a isto, o Presidente decidiu CONVOCAR UN PLENO, EXTRAORDINARIO E URXENTE, QUE TERÁ LUGAR MAÑÁ MARTES, ÁS 14.30 HORAS, COS SEGUINTES PUNTOS DE ACORDO:
PRIMEIRO.- Ratificar a adquisición pola Deputación Provincial de Lugo dunha acción do capital social da Empresa de Transformación Agraria, S.A., S.M.E., M.P. (TRAGSA) disposta por Resolución da Presidencia de data 13 de decembro de 2019.
SEGUNDO.- Ratificar o disposto na Resolución da Presidencia de data 13 de decembro de 2019 de forma que, dende dito momento, TRAGSA pasou a ter a consideración de medio propio personificado da Deputación Provincial de Lugo.
TERCEIRO.- Ratificar o acordo da Xunta de Goberno, de data 27 de decembro de 2019, polo que se encargou a TRAGSA, como medio propio da Deputación Provincial de Lugo, o servizo de mantemento e conservación das zonas verdes.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
