Viveiro, 24 de abril, 2022. No IES María Sarmiento, estase realizando un proxecto en colaboración coa Deputación de Lugo, a Concellería de Educación e Turismo do concello de Viveiro, a Asociación “Amigos do camiño do Mar”, a Once e a Asociación Bágoas da Terra de Viveiro.
É unha actividade de grandes dimensións pola interdisciplinariedade departamental, polo abano de centros que están participando nesta e polo gran número de asociacións e organismos implicados que están poñendo o seu gran de area constituíndo unha gran mostra da cultura, e da arte ao longo do camiño de Santiago.
A actividade está distribuída da seguinte maneira:
En primeiro lugar os alumnos dos diferentes colexios ou institutos de Viveiro (CEIP Covas, CEP Lois Tobío, CEIP Landro, CEIP Vicedo, IES Vilar Ponte, IES María Sarmiento) realizan unha peregrinaxe a través dun tramo do camiño do mar, guiados polo presidente da Asociación Amigos do camiño do mar con chegada ao IES María Sarmiento onde se lles fai entrega dunha credencial financiada e selada polo Concello de Viveiro.
A continuación, visionan unha gravación elaborada pola CRTVG, Fundación Barrié e Fundación Catedral de Santiago e editado polo Departamento de Historia e arte do María Sarmiento, explicativo do conxunto escultórico do Pórtico da Gloria.
Finalmente fan un percorrido pola exposición “A Memoria do son”, que temos no centro, proxecto da colección de instrumentos musicais e arquivo documental do Centro de Artesanía e Deseño da Deputación de Lugo que permite contemplar réplicas dos instrumentos máis populares da Europa medieval entre os que están os do Pórtico da Gloria. A exposición aporta información sobre a instrumentación e ao mesmo tempo unhos códigos QR cos que poden escoitalos. A ONCE, a través da súa profesora Eva María Lage Gil, encargouse da transcrición a Braille dos diferentes paneis informativos.
O luns 25 Abri procederase a realizar unha cerimonia de clausura na que os alumnos de música do María Sarmiento poderán interpretar a Cantiga de Santa María número 100 coa oportunidade única de poder empregar o salterio da propia exposición entre outros instrumentos. O actor profesional Víctor Rolle recitará unha cantiga de amor musicalizada do cancioneiro Afonso Páez, así como o profesor de lingua galega Pepe Casariego, fará o mesmo cunha cantiga de Pero Meogo.
Todo isto nun decorado completamente medieval, con botafumeiro incluído, proporcionado pola presidenta da Asociación Bágoas da Terra de Viveiro: Mari Carmen Chipe.
“Estou moi satisfeita polo grande interese suscitado e a alta implicación por parte do alumnado, profesorado, e os diferentes organismos e colectivos, para potenciar o noso, a nosa cultura e a vinculación ao camiño de Santiago, neste caso, no seu paso por un tramo que da tanto de sí como é o de Viveiro, a través da música e desta fabulosa exposición da Deputación coa que tivemos a sorte de poder contar. Sen todos eles, isto non sería posible. Neste ano Xacobeo, e despois destos anos de pandemia, foi como traer a maxia da catedral compostelana, e todo o seu contexto, ao Concello de Viveiro e ao noso centro”
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
