Ribadeo, 4 de abril de 2022. O alcalde de Ribadeo, Fernando Suárez, anima aos propietarios de vivendas situadas nos Aris de Ribadeo e Rinlo a solicitar subvencións para a súa rehabilitación. Agora ábrese un prazo de 6 meses, que remata o 30 de setembro, para poder solicitar esas axudas. En total para a décimo cuarta fase do Ari de Ribadeo e para a sétima do Ari de Rinlo destínanse 260.000 euros.
O rexedor declarou que “logo de asinar hai uns días convenios entre o Ministerio de Transportes, o Instituto Galego da Vivenda e o Solo e o Concello de Ribadeo para levar a cabo obras de rehabilitación de vivendas no Ari de Ribadeo, que é a 14ª fase, e no de Rinlo, que é a 7ª fase, agora saen publicadas as bases da convocatoria de concorrencia competitiva e ábrese un prazo de 6 meses para solicitar estas subvencións. Este prazo vai rematar o 30 de setembro deste ano e a contía de subvención a percibir a fondo perdido no caso máis óptimo poderá chegar ata 24.000 euros”.
Suárez Barcia dixo que “evidentemente para levar a cabo estas obras de rehabilitación e ter dereito a subvención entre outros requisitos teñen que contar coa correspondente licenza municipal de obra. E estas obras teñen que estar rematadas o 30 de abril do ano 2025, como moi tarde. Para os criterios de selección e para a valoración das solicitudes de subvención vanse ter en conta especialmente sempre que sexan melloras de condicións de habitabilidade e de accesibilidade das vivendas, tamén por razón socioeconómica e ademais aquelas outras obras de rehabilitación que sexan para medidas de aforro enerxético”.
O alcalde ribadense engadiu que “polo tanto todo o mundo que teña dúbidas ou que estea animado a solicitar estas rehabilitacións dos cascos vellos de Ribadeo e de Rinlo, que son os dous ámbitos urbanos que temos, poden vir á oficina de rehabilitación, que está aquí no propio Concello. Hai que ter en conta que é bastante diñeiro, tanto do Ministerio, en maior medida pois é o 70 por cento, e o IGVS, o 30 por cento; en total son uns 260.000 euros para 26 actuacións teóricas”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
