Ribadeo, 6 de abril de 2022. O Portal de Emprego do Concello, que botou a andar o pasado 29 de marzo está a ter unha boa acollida tanto entre as empresas como entre as persoas demandantes dun posto de traballo.
O concelleiro de Desenvolvemento Local, Pablo Vizoso, dixo que “dende a súa posta en funcionamento o pasado 29 de marzo o Portal de Emprego de Ribadeo tivo unha importante repercusión tanto a nivel das empresas ou autónomos/as que están realizando procesos de selección de persoal como das persoas que se atopan buscando emprego activamente”.
O edil ribadense explicou que “no Portal de Emprego de Ribadeo as empresas poden publicar de forma rápida e sinxela as ofertas de emprego para os postos vacantes, recibindo directamente no seu correo electrónico as candidaturas adaptadas ao perfil profesional demandado”.
Vizoso Galdo subliñou que “en total, ata o día de hoxe foron publicadas 17 ofertas de emprego, un número moi elevado tendo en conta o ámbito xeográfico no que se lanza este portal, posto en marcha dende a Área de Desenvolvemento Local do noso Concello”.
Para a concelleiro de Desenvolvemento Local “tal e como cabía esperar, coñecendo a estrutura do sector empresarial da nosa comarca, a maioría das ofertas de emprego proceden do sector da hostalería. A maior parte das vacantes sitúanse en Ribadeo, pero tamén se publicaron ofertas de emprego procedentes doutras localidades da Mariña Lucense. Os postos solicitados no eido da hostalería son de camareiros/as de barra e sala, axudantes de cociña, recepcionistas e camareiros/as de pisos. O resto das ofertas de emprego solicitan persoal nas ocupacións de empacadores/as de peixe, carreteiros/as, operarios/as, monitores/as de ocio e tempo libre, enmacetado de plantas, operadores/as de cámara e vídeo, podólogos/as e comerciais”.
Para acceder ao Portal de Emprego de Ribadeo só hai que dirixirse ao seguinte enderezo: https://www.portalemprego.ribadeo.gal/
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
