Lourenzá, 24 de abril de 2022. Emma Álvarez Chao deixa a presidencia do PP de Lourenzá. A popular manifestou a súa vontade de “dar un paso atrás” durante unha reunión mantida no día de onte coa presidenta provincial, Elena Candia, e o coordinador xeral, José Manuel Balseiro.
Con esta decisión, adoptada conxuntamente coa dirección da formación, preténdese reforzar a estrutura do Partido neste municipio e “traballar nunha estratexia que permita a gobernabilidade do PP neste concello en 2023”, explica Candia.
“Damos así, continúa, un paso máis para poñer fin á parálise na que se atopa este municipio dende que o Partido Socialista está no goberno”. Tal é así que, nas vindeiras semanas, a dirección provincial dará conta de quen dirixirá esta agrupación.
Elena Candia pon en valor “a xenerosidade” da que fora presidenta do PP neste municipio nos últimos anos. “E é que non podemos esquecer, lembra, que foi alcaldesa e tamén representou á provincia no Parlamento de Galicia; dúas institucións na que fixo un bo traballo”.
Pola súa banda, Álvarez Chao agradeceu á presidenta provincial o apoio recibido, indicando que “dou un paso atrás pero seguirei axudando ao PP e a quen me suceda no cargo”.
Traxectoria
Nas municipais de 2007 foi candidata do PP ao Concello de Lourenzá, resultando elixida concelleira de Medio Ambiente e de Medio Rural. Nas eleccións autonómicas de 2009 foi deputada do Parlamento galego, substituíndo a Raquel Arias. Nesta cámara foi voceira de Montes e, logo da dimisión de Vidal Martínez-Sierra, en setembro, de 2012, foi elixida alcaldesa de Lourenzá; cargo que ocupou ata 2015.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
