Ribadeo, 30 de abril, 2022. Desde que o BNG volveu a asumir responsabilidades de goberno no Concello de Ribadeo, puxo en marcha unha serie de iniciativas destinadas a fomentar os produtos de cercanía (tanto da nosa horta como do mar). Así, o Mercado dos Domingos foi ideado para dar saída de xeito singularizado á produción hortofrutícola local. Vir nos domingos de verán a Ribadeo para mercar produtos frescos e de calidade é un clásico nos meses de vacacións. Gozar do sabor do Cantábrico na Festa do Percebe de Rinlo é unha cita indispensábel de comezos de agosto. Saborear os pementos de Piñeira, e outras verduras, hortalizas e legumes nas distintas xornadas de degustación feitas ao longo do verán é outro referente máis dos Mercados do Domingo.
Ano tras ano fóronse incorporando pequenas novedades a estes actos. Ao celebrarmos a feira do libro, as Letras no Parque, acordamos facer un agasallo cada día ofertando unha cesta con produtos da horta e libros. E cada vez que convidabamos a algún autor ou autora de libros de receitas achegabámonos con el/ela a visitar o Mercado dos Domingos para darlle a coñecer a nosa horta. Horta e cultura reforzándose mutuamente. Por outra banda, ao celebrarmos o Ribadeo de Tapeo temos un lugar específico para os produtos da nosa horta ao promocionarmos o premio á tapa feita con produtos da nosa horta, a “Tapa Ribadeo”.
En momentos difíciles como os días de confinamento soubemos promocionar a venta directa de produtos da horta. Co programa “Lévancho á casa” puxemos en contacto directo a produtores/as (inscritos no REAGA) e consumidores/as. Facendo da necesidade virtude, fomos quen de afrontar unha situación ben difícil. Esta iniciativa, que tamén se ampliou aos postos da praza, facilitando así as súas ventas nunha situación complicada, veu para quedarse: Ribadeo Agroalimentario pretende potenciar a adquisición de produtos da nosa horta, aspira a dar un novo pulo aos produtos de proximidade facilitando aos pequenos e pequenas produtoras a posta no mercado das súas hortalizas, verduras e legumes.
Comprando produtos da terra realizamos un consumo responsábel que axuda a manter o noso ecosistema, dá vida ás nosas parroquias, e axuda a fixar poboación no rural.
E agora, buscando novas vías de promoción do produto local e de saídas comerciais, estamos a deseñar, en colaboración con outros concellos mariñáns e da comarca eonaviega, en coordinación coa Universidade de Santiago de Compostela, unha estratexia alimentaria participativa destinada a coñecermos mellor, tanto consumidores/as como produtores/as e distribuidores/as, as necesidades da xente á hora de consumir e as limitacións á hora de producir. As familias que sempre viviron no campo ben lembran o proceso de produción, pero as que teñen unha vida urbana de varias xeracións, poden comprender mellor a través desta iniciativa os ritmos de produción. Pero tamén as familias que sempre levaron a cabo unha vida ao carón do campo deben coñecer hábitos de consumo máis urbanos para ver en que medida se poden acompasar uns ritmos e outros. Diso trata esta iniciativa, Eoalimenta: coñecer a cadea alimentaria, as súas problemáticas e ritmos, e tomarmos conciencia todos e todas da importancia de fomentar o consumo local, por potenciar o noso, por manter o noso ecosistema, e por dar saída aos nosos produtos.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
