Lugo, 12 de abril de 2022. O goberno provincial, sobrado de prepotencia, non acaba de entender que non pode facer as cousas como quere senón que as ten que facer segundo establecen as normas e os procedementos. Parece que nin con sentenzas xudiciais moi claras, como a que anulou a entrada da Deputación no accionariado de Tragsa, é capaz de endereitar o rumbo. O portavoz dos populares, Javier Castiñeira, avisa de que “o grupo provincial do PP non vai ser cómplice das chapuzas, máis propias de Pepe Gotera y Otilio que dun goberno serio e rigoroso como merece a Deputación Provincial de Lugo”. Informa que no pleno extraordinario que se celebrou esta mañá a corporación provincial votará en contra da proposta coa que o goberno, despois da sentenza citada, intenta salvar a situación e manter a Tragsa como medio propio.
Castiñeira sinala: “Temos unha sentenza de hai poucos días, que nos di que tanto o decreto de presidencia de 13 de decembro de 2019 como o acordo da xunta de goberno, de 27 de decembro de 2019, son nulos de pleno dereito e convócasenos a un pleno para propoñernos que ratifiquemos eses dous acordos que o xulgado do Contencioso número 1 de Lugo di que son nulos de pleno dereito. O PP votará en contra desta proposta, por varias razóns, as mesmas que tivo sempre”.
Por un lado, o PP vota en contra porque está convencido de que recorrer esta sentenza, como pretende o goberno provincial, “empeora a situación, porque aumenta a inseguridade xurídica e alonga este proceso”. Tamén dirán non os populares á proposta do goberno porque “non se resolve o problema dos antigos traballadores de Suplusa, que solicitan incorporase ao cadro de persoal da Deputación de Lugo e non ser subrogados a Tragsa; piden os mesmos dereitos e o mesmo trato que tiveron outros compañeiros antes”. Os traballadores “teñen un proceso aberto e o que pide o PP é que se resolva antes con vontade política ese proceso que está nos xulgados”.
Os populares están en absoluto desacordo con esta proposta “porque non hai unha memoria económica que xustifique a entrada da Deputación de Lugo no accionariado de Tragsa; non xustifica todos estes encargos que se fixeron, por seis millóns de euros, e non xustifica tampouco os encargos sucesivos que se farán con base neste acordo; isto é pechar en falso un asunto que se xestionou mal dende o principio polo goberno provincial”.
En resumen, segundo sinala Castiñeira, “o PP vota en contra e reservámonos a posibilidade de volver recorrer, porque entendemos que non se están facendo as cousas acorde a Dereito e que é un prexuízo grande para a Deputación e para todos eses traballadores que están pendentes de resolver a súa situación laboral”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
