O vicepresidente primeiro e conselleiro de Economía, Industria e Innovación, Francisco Conde, mantén un encontro con representantes do Comité de Empresa de Alcoa San Cibrao.
Santiago de Compostela, 27 de maio de 2022. O vicepresidente primeiro e conselleiro de Economía, Industria e Innovación, Francisco Conde, mantivo esta mañá en Santiago de Compostela un encontro con representantes do comité de empresa de Alcoa San Cibrao no que se avaliou a situación actual da planta e as perspectivas de cara ao futuro.
Un dos asuntos tratados foi o recente acordo alcanzado entre Alcoa e Greenalia, grazas ao cal San Cibrao está máis preto de acadar a subministración de enerxía renovable necesaria para reanudar a produción de aluminio primario en 2024. Así, este acordo vai permitir cubrir con enerxía renovable ata un 46% das necesidades de electricidade da planta.
Tal e como explicou Conde no encontro, a Lei de áreas empresariais de Galicia especificará que, sempre que cumpran coa normativa e con todas as garantías ambientais, se dará prioridade a aqueles proxectos eólicos que destinen o 50% da enerxía que produzan á industria asentada en Galicia para reducir así a súa pegada de carbono. Así, tal e como explicou o vicepresidente primeiro, os parques que se vinculan ás PPAs (Power Purchase Agreement, acordos de compra de enerxía) de Alcoa poderán beneficiarse desta nova normativa que vai favorecer á industria no seu conxunto.
O responsable de Economía, Industria e Innovación sinalou que de cara a futuro hai que seguir afondando no traballo, e así, Alcoa segue negociando con outras compañías para identificar novos contratos bilaterais. Neste sentido, Francisco Conde trasladoulle tanto ao comité como á propia empresa a colaboración da Xunta para identificar eses parques, avaliar a súa viabilidade e ao mesmo tempo garantir a súa tramitación administrativa para que poidan entrar en funcionamento canto antes, cubrindo as expectativas de prezo eléctrico competitivo que ten Alcoa.
O vicepresidente económico sinalou que é precisa a colaboración do Goberno central, tanto a través do Ministerio de Industria como do Ministerio para a Transición Ecolóxica, a quen corresponde tramitar o 55% de toda a potencia que se inclúe no contrato de Alcoa e Greenalia, por tratarse de parques de máis de 50MW.
Conde subliñou que, aínda que os contratos bilaterais achegarán un custo da electricidade máis competitivo para a factoría da Mariña, segue a ser preciso un marco enerxético adaptado ás necesidades da industria electrointensiva. Do mesmo xeito, apuntou que na mesa de Alcoa se trasladará ao Goberno a necesidade de convocar canto antes o Perte para a industria electrointensiva, que permitiría mellorar a competitividade desde o punto de vista industrial da planta utilizando fondos europeos Next Generation.
Tamén no eido dos investimentos, na xuntanza lembrouse tamén que a Xunta vén de aprobar unha axuda de case un millón de euros para a mellora da eficiencia enerxética da planta de San Cibrao, que lle vai permitir reducir un 3% o consumo inicial de electricidade ao substituír o fuelóleo por gas natural.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
