A institución provincial recibiu hoxe unha resolución da Subsecretaría de Transportes, Mobilidade e Axenda Urbana na que anula a decisión de outorgar ao topónimo Ría del Eo o mesmo nivel de oficialidade e uso
Lugo, 27 de maio 2022. A voceira socialista do Goberno provincial, Pilar García Porto, informou de que a Deputación de Lugo recibiu este venres unha resolución da Subsecretaría de Transportes, Mobilidade e Axenda Urbana do Ministerio de Transportes que avala as alegacións presentadas pola institución provincial sobre o topónimo Ría de Ribadeo e anula o ditame do Instituto Xeográfico Nacional de establecer como cooficial a denominación de Ría del Eo.
García Porto explicou que a Deputación presentou en decembro un recurso de alzada contra a resolución que ditou o pasado mes de outubro a Dirección Xeral do Instituto Xeográfico Nacional que establecía manter a denominación de Ría de Ribadeo como identificador xeográfico e outorgar ao topónimo Ría del Eo o carácter de nome alternativo, é dicir, co mesmo nivel de oficialidade e uso que Ría de Ribadeo.
A Subsecretaría de Transportes do Goberno de España vén de resolver sobre este recurso, e anula dita resolución do Instituto Xeográfico Nacional. Ao mesmo tempo, ordena retrotraer as actuacións ao momento previo á solicitude dun informe á Comisión Especializada de Nomes Xeográficos para que esta emita un novo ditame que conteña a motivación suficiente.
A Subsecretaría de Transportes, Mobilidade e Axenda Urbana “avala a postura e os argumentos que expuxemos dende a Deputación de Lugo no recurso de alzada que presentamos, unha exhaustiva motivación avalada por un informe de técnicos acreditados da Universidade de Santiago de Compostela, encargado e financiado integramente por esta institución”, asegurou a voceira socialista.
Fronte a isto, continuou a Deputada, “a resolución do Instituto Xeográfico Nacional non estaba motivada, en tanto que se baseou nun informe da Comisión Especializada de Nomes Xeográficos que unicamente concreta o sentido do resultado da votación, carecendo dunha fundamentación do sentido do voto efectuado por cada un dos seus membros”.
A Subsecretaría de Transportes argumenta literalmente que esta “irregular emisión de informe”, que era esencial para a toma da decisión por vir esixido directamente por unha norma, “debe levar consigo, conforme ao artigo 48.2 da Lei 39/2015 de 1 de Outubro de Procedemento Administrativo Común das Administracións Públicas, a anulación da resolución final por carecer dun requisito indispensable para alcanzar o seu fin”, expuxo Pilar García Porto.
Defensa de Ría de Ribadeo
Polo tanto, “dende a Deputación manifestamos a nosa absoluta satisfacción porque as alegacións que presentamos fosen tidas en conta, e que se anulase a resolución que determina a cooficialidade da Ría de Ribadeo e Ría del Eo. Dende esta institución seguiremos defendendo neste proceso e sempre a denominación oficial de Ría de Ribadeo, fronte á pretensión da cooficialidade con Ría del Eo, porque carece de fundamentación técnica, xurídica e histórica, tal e como consta no informe da Universidade de Santiago que presentamos nas alegacións”, asegurou a Deputada.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
