O alcalde e o edil de Deportes presentaron o proxecto ante os representantes de diferentes clubs, entidades e centros de formación da comarca vencellados a este deporte
Cervo, 18 de maio de 2022. O Concello de Cervo contará despois deste verán coas primeiras pistas de atletismo homologadas da Mariña, grazas á materialización do convenio de colaboración subscrito entre a administración local e a Xunta de Galicia, a través da secretaría xeral para o Deporte, que cofinanciarán a renovación das pistas existentes no complexo deportivo da Veiga.
Así o anunciou o rexedor, Alfonso Villares, que, en compañía do edil de Deportes, David Rodríguez, compartiu esta mañá os pormenores do proxecto con representantes de diferentes e clubs e centros de formación da comarca vencelladas ao deporte, e que nestes intres xa están a facer uso regular das instalación existentes; Olga Vicente e Fernando Fernández en representación do Club Deportivo San Ciprián, Rubén Piñeiroa, do club de atletismo de Lourenzá, Xosé Manuel Rubal, mestre de Educación Física do IES Marqués de Sargadelos, e Salvador López, titor do Ciclo de Grao Superior en Ensinanza e Animación Sociodeportiva (TSEAS), no IES Monte Castelo de Burela.
Tal e como apuntaron Villares e Rodríguez, este mesmo xoves será aprobada en pleno ordinario unha modificación orzamentaria para facer fronte á renovación do complexo, por un importe de 210.000 euros, procedentes do Remanente Líquido de Tesourería “un investimento ao que podemos facer fronte grazas á xestión responsable das arcas municipais”.
Polo tanto –engadiu Villares- podemos dicir que xa contamos co orzamento necesario para poder executar esta obra que “permitirá situar a Cervo como epicentro do atletismo na Mariña grazas á optimización dos recursos xa existentes”, porque o Concello xa conta cunha instalación de 400 metros de lonxitude e 6 rúas, que foi inaugurada no ano 1994.
O edil de Deportes, David Rodríguez, explicou que está previsto que nos vindeiros meses comecen as obras de adecuación da instalación que consistirán “na renovación da pavimentación da pista con material sintético homologado, na mellora da rede de saneamento evacuación de augas e na adecuación da infraestrutura para as probas de salto de pértega, carreiras de obstáculos, salto de altura, salto de lonxitude, triplo salto e lanzamento de peso”.
As novas pistas homologadas da Veiga, tal e como apuntou no seu momento o secretario xeral para o Deporte, José Ramón Lete Lasa, que destacou a idoneidade da localización “darán servizo a todos os atletas e deportistas de Cervo, da Mariña, de Lugo e de todos os galegos e galegas que queiran facer deporte nunha instalación de primeiro nivel”. Coa nova pista, “Cervo e a Mariña occidental situaranse como referentes do deporte na provincia de Lugo” -sentenciou-.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
