Burela, 9 de maio de 2022. O alcalde de Burela, Alfredo Llano, visitou o IES Monte Castelo para ver a mostra sobre o franquismo e a Transición promovida pola historiadora galega e mestra de Historia de España do propio centro, a cronista oficial Herminia Pernas Oroza.
Coincidindo co temario da materia impartida ao alumnado de segundo de Bacharelato sobre a época franquista e o período posterior de Transición, Pernas Oroza puxo en marcha este proxecto con fondos propios para facilitar a aprendizaxe dun xeito didáctico, ameno e práctico.
A través das revistas de corazón do momento, como Hola, Semana, Lecturas ou Garbo, así como coa exposición de cuadernillos, guías, recursos educativos, ou mesmo libretas escritas coa caligrafía tan característica e coidada da época, as alumnas e alumnos achéganse a outro período histórico e coñecen parte dun sistema educativo distinto ao actual, e como consecuencia, dunha sociedade tamén diferente.
O rexedor subliñou “a oportunidade que brinda esta mostra de viaxar no tempo, de coñecer un momento histórico que as novas xeracións teñen a obriga de saber, de comprobar a visión que se tiña naquel momento da educación, e de avanzar recollendo as cousas positivas do pasado e tendo moi presentes as negativas para non repetilas”.
A mostra está a espertar moito interese non só no alumnado do centro, senón tamén entre o profesorado polo vínculo emocional que se establece cos materiais expostos, no que moitas persoas ven os libros dos seus pais ou avós, a caligrafía dos maiores das súas familias, ou os bens máis prezados que conservaban en caixóns.
Un proxecto que tivo o seu xerme nas clases de historia, nas que se repartía entre o alumnado parte do material que agora está exposto, e que vai sumando máis obxecto e pezas como unha pequena colección de billetes e moedas do franquismo e tamén da II República española. Unha iniciativa con vocación de continuidade no tempo, e con visos de estenderse para a poboación xeral.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
