Viveiro, 9 de maio, 2022. Ante a proposta nacionalista levada a pleno pola concelleira do Bloque, Míriam Bermúdez, para a habilitación e reapertura de aseos públicos en Viveiro, o PSOE de Viveiro opúxose a votar a favor da proposta pois segundo indicou a alcaldesa “implicaría mantemento e limpeza”, tachando como tarefa “imposible co persoal co que dispón o Concello”, para ao final non dubidar tamén en botar balóns fóra achacándoo “á falta de civismo da veciñanza que as rúas rematen cheas de ouriños.”
“Incongruencias e contradiccións por parte de Loureiro, quen tacha de imposible para Viveiro o que é rutinario en calquera Concello” di Míriam Bermúdez, baseándose en que “logo de dicir que seria imposible xestionalo, Loureiro afirmou que iniciaran os trámites para que as instalacións do Templete pasen a ser titularidade municipal”, despois de pasar un ano desde que o BNG presentou a moción para solicitar a súa reapertura, a alcaldesa non quixo aclarar datas deste trámite.
A pesares do imposible que era esta moción do BNG para a alcaldesa, tamén alegou que iniciaran os trámites de cooperación coa Comunidade de Montes de San Roque para que os aseos situados no alto da montaña permanezcan abertos. Desde o BNG estaremos pendentes para que estas xestións vaian máis áxiles que as do Templete.
Antes da finalización do argumentario en contra dos aseos públicos, Loureiro negou as palabras de Míriam Bermúdez sobre que “as condicións de limpeza e salubridade das rúas do casco histórico en época festiva, a parte de insana, rozan o repulsivo”, para logo confirmar a alcaldesa que teñen que baldear e limpar as rúas de Viveiro en épocas festivas, improvisando a subsanación do problema sen artellar solucións para que non ocorra.
Míriam Bermúdez di que “é unha mágoa que lle dean tantas voltas a un asunto tan sinxelo para tentar desvirtuar unha proposta tan necesaria. Non votan a favor da proposta, por ir en contra do BNG, mais logo dunha forma ou outra afirmaron proceder cos trámites de cada un dos puntos da nosa moción.”
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
