Incluirá información e distintos materiais das patronais de Burela ao longo da historia, especialmente dos anos noventa
Burela, 11 de maio de 2022. A concellería de Cultura de Burela anuncia que esta fin de semana sairá o libro das festas patronais sobre o que levan traballando meses tanto desde esta delegación como por parte da Comisión organizadora das festas. Despois de dous anos de parón por mor da pandemia, as patronais volven con forza e, consecuentemente, o libro conterá colaboracións moi especiais e información valiosa desde un punto de vista histórico e vencellado a esta celebración.
A publicación, que se lanzará primeiro en versión dixital e posteriormente en papel, incluirá fotografías e arquivos das festas patronais de Burela ao longo da historia, particularmente do período dos noventa tras unha recompilación de imaxes que se captaron durante eses anos.
Tal e como confirmou o edil de Cultura, Jose Díaz, “queríamos anunciar a saída inminente do libro das festas patronais deste ano, un libro moi especial despois de dous anos sen festas, cun toque retro, con fotografías entrañables e significativas de moito valor, de festas históricas que a xente máis maior seguro lembrará”, afirmou, engadindo que será “un libro moi completo, con grandes colaboradores, algo no que levamos traballando todo este tempo, sempre o facemos pero este ano con máis motivo e tamén con máis motivación”.
Unhas festas patronais moi esperadas por toda a veciñanza para tratar de recuperar a tan ansiada normalidade pre-covid, unha ilusión que se traslada tamén ao tradicional libro “co que sempre nos implicamos polo que supón, case un arquivo histórico de referencia que nos axuda a situar as festas de cada ano, case o que pasou en cada unha delas, e que ten un valor non só histórico senón tamén emocional e de conexión coa comunidade”, explicou Díaz.
Finalmente, o concelleiro de Cultura felicitou á Comisión de Festas deste ano “por todo o traballo que están facendo, encomiable, conseguindo recadar o necesario para manter o nivel do 2019”. Destacou tamén que isto só é posible pola implicación desta comisión, así como “de todo Burela, empresas, comercios pequenos e grandes, hostalería, e todos os que fan posible coa súa axuda ter unhas boas festas, que dan o pistoletazo de saída para o inicio de celebracións do calendario de verán, e nesta ocasión tamén, o comezo dun cambio xeral onde podamos desfrutar, divertirnos e compartir coa nosa xente despois destes anos de tanta incertidume”. Deste xeito, convidan a participar nunha das citas máis esperadas en Burela e que se recupera con moita ilusión.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
