Un total de 135 asociacións benefícianse das viaxes gratuítas pola xeografía lucense nesta segunda tempada da iniciativa coa que a institución provincial apoia a actividade do turismo, a hostalería e o comercio local
Lugo, 18 de maio de 2022. Seis asociacións da provincia de Lugo percorren esta semana a provincia grazas ao programa da Deputación de Lugo Coñece a túa provincia. Unhas 120 persoas da Pastoriza, Lugo e Riotorto, cada un dos seis grupos co seu itinerario, descubrirán os municipios de Taboada, Chantada, Quiroga, Cervo e O Inicio.
Este mércores a asociación veciñal Campo do Cruceiro de Santa Catalina de Pousada, da Pastoriza, arrancará a ruta no Pazo de San Marcos. Logo desprazaranse ata os municipios de Taboada e Chantada para coñecer a igrexa de Taboada dos Freires, a área recreativa Ponte Mourulle, o casco histórico de Chantada, o convento de San Salvador de Asma e o paseo fluvial, ademais de facer unha parada nunha adega.
Neste día tamén se despraza pola provincia a asociación de familiares e enfermos de alzheimer e outras demencias de Lugo. Emprenden rumbo dende o Servizo de Audiovisuais da Deputación, onde o persoal lle explicará o funcionamento desta área da institución e a súa importancia, e logo visitarán Quiroga, onde visitarán o Museo Xeolóxico e no miradoiro de Campodola, e coñecerán unha adega.
Mañá xoves, os beneficiarios serán os socios e socias da asociación de veciños de Crecente, da Pastoriza. O seu itinerario comeza na Granxa Gayoso Castro, da Deputación, e logo viaxarán ata as localidades de Pantón e Carballedo. No seu percorrido descubrirán o convento do Divino Salvador de Ferreira de Pantón e unha adega, entre outros reclamos turísticos da comarca.
Este xoves tamén se suben ao autobús do Coñece a túa provincia os veciños e veciñas de Santiago de Saa, de Lugo. Tamén visitarán a Granxa Gayoso Castro, en Castro de Rei, pero neste caso viaxan cara A Mariña para achegarse ao concello de Cervo. Entre outras localizacións, vivirán a experiencia de ver como se fai a cerámica de Sargadelos na propia fábrica, tamén percorrerán o paseo dos Namorados e achegaranse á vila de San Cibrao para ver a praia do Torno, descubrir a carpintería de ribeira e o Museo Provincial do Mar.
O venres será a quenda da Asociación de Comerciantes e Empresarios da Pastoriza (ASAPA), que fará un visita inicial á Granxa Gayoso Castro. Dende alí partirán cara Taboada e Chantada para coñecer a igrexa de Taboada dos Freires, a área recreativa Ponte Mourulle, o casco histórico de Chantada, o convento de San Salvador de Asma e o paseo fluvial, e coñecerán unha adega.
Neste día, o venres, a veciñanza de San Xosé de Vilaseca de Riotorto emprende rumbo cara o Pazo de San Marcos para comezar a súa viaxe no marco deste programa provincial. Logo de descubrir este lugar emblemático, o seu itinerario continuará no concello do Incio. Alí visitarán o encoro de Vilasouto realizando unha ruta circular a pé, visitarán á igrexa de San Pedro Fiz de Hospital, a aldea de Ferrería e o monumento ao mamut.
Unha aposta decidida polo turismo de proximidade
Máis de 3.000 persoas de 135 asociacións beneficiaranse das viaxes gratuítas pola xeografía lucense nesta segunda tempada da iniciativa coa que a institución provincial apoia a actividade do turismo, a hostalería e o comercio local. As saídas terán lugar en dúas quendas que permitirán coñecer a provincia en primavera, entre marzo e xuño, e en outono, de setembro a novembro.
Un programa que busca seguir favorecendo o coñecemento da provincia entre a veciñanza, e consolidar un modelo de turismo de calidade, sostible, con capacidade para atraer visitantes ao longo do ano, que pon en valor o patrimonio e que mantén e crea emprego, sobre todo no rural.
Coñece a túa provincia inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas son realizadas por profesionais que contan coa habilitación de guía oficial de turismo de Galicia e polo persoal de atención ao público nos diferentes museos, empresas ou obradoiros sinalados nos itinerarios do programa.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
