O director xeral de Planificación Enerxética e Recursos Naturais, Pablo Fernández Vila, informa no Parlamento de que a axuda concedida para San Cibrao permitirá mobilizar un investimento de preto de 3,5M€ na mellora e optimización do rendemento enerxético da planta
Santiago de Compostela, 21 de xuño de 2022. O director xeral de Planificación Enerxética e Recursos Naturais, Pablo Fernández Vila, salientou hoxe no Parlamento o compromiso da Xunta coa eficiencia enerxética en Alcoa e o conxunto da industria galega. Así, informou de que a axuda por máis de 985.000 euros concedida pola Vicepresidencia primeira e Consellería de Economía, Industria e Innovación á planta de San Cibrao permitirá mobilizar un investimento de case 3,5M€ no cambio dos consumidores de fuelóleo por outros consumidores de gas natural, os cales teñen un rendemento enerxético mellor e máis óptimo.
Ademais, as actuacións subvencionables tamén comprenden todo o proceso de alimentación ata eles, como a acometida ou canalización soterrada de gas natural para a súa conexión co gasoduto da Mariña, e unha nova estación de regulación e medida para facturación do consumo que garantirá unha maior seguridade de explotación.
Tal e como apuntou o director xeral, esta axuda encádrase nunha das liñas que o Instituto Enerxético de Galicia (Inega) ten abertas para actuacións de eficiencia enerxética en pemes e grandes empresas do sector industrial e que conta, na actualidade, cun orzamento que ascende a 30,7 millóns de euros. En concreto, esta é unha das 61 axudas concedidas ata o momento, por un importe que suma 19,3 millóns de euros, mobilizando investimentos por máis de 71 millóns.
Entre as beneficiarias atópanse compañías emprazadas na provincia de Lugo como Financiera Maderera, De Heus Nutrición Animal ou Novafrigsa. O director xeral apuntou que estes apoios contribúen a aumentar a competitividade da actividade industrial, sinalando que unha industria forte é a mellor garantía dun emprego estable.
No marco do compromiso coa industria, Fernández Vila lembrou ademais que o Consello da Xunta, xa o 15 de outubro de 2020, declarou o sector electrointensivo esencial e estratéxico para a economía galega, co fin de considerar prioritarios e axilizar aqueles proxectos industriais de ampliación, modernización ou transformación que neste sector cumpran cos requisitos vinculados ao emprego, o investimento ou ao seu carácter tractor.
Apuntou tamén o director xeral de Planificación Enerxética e Recursos Naturais que a Xunta sempre ten estado do lado das reformas estruturais demandadas pola industria electrointensiva a prol dun Estatuto que atenda convenientemente a súa transición enerxética en lugar de poñer “parches” á situación que viven na actualidade.
Pablo Fernández Vila tamén lembrou a vontade da Xunta de dar prioridade na tramitación a aqueles proxectos que destinen, cando menos, un 50% da enerxía que produzan a unha industria asentada en Galicia, a través dunha emenda na Lei de áreas empresariais actualmente en tramitación no Parlamento.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
