O portavoz popular, Javier Castiñeira, destaca que o artigo invocado polo goberno provincial establece que só é posible a participación telemática en situacións excepcionais de forza maior, de grave risco colectivo ou catástrofes públicas que impidan ou dificulten de maneira desproporcionada o normal funcionamento do réxime presencial
Lugo, 8 de xuño de 2022. O Grupo Provincial Popular estudia iniciar accións de índole legal á vista da resposta dada polo goberno da Deputación á pregunta de por que se permitiu participar de forma telemática na pasada sesión plenaria presencial á deputada nacionalista Mónica Freire. Os populares din que non se daba ningunha das situacións excepcionais que o fan posible.
O portavoz popular, Javier Castiñeira, sinala: “Unha vez máis, estamos absolutamente sorprendidos e abraiados coa resposta que nos dan dende o equipo de goberno provincial. Neste caso, polas respostas á pregunta de por que a presidenta da pasada sesión plenaria, Maite Ferreiro (o presidente da Deputación non puido asistir), permitiu a participación de forma telemática da súa compañeira de partido, a señora Mónica Freire Rancaño, cando a lei di que a participación debe ser presencial, a non ser que haxa algunha motivación como as relacionadas coa covid”. Engade: “ Como iso non sucedeu, porque a propia Mónica Freire participou en actos institucionais do Concello de Ribadeo, entendemos que esa situación de excepcionalidade non se daba”.
Castiñeira explica: “O equipo de goberno alega, fai alusión, o artigo 46,3 da Lei 7 de Bases de Réxime Local, algo que nos parece cómico e absurdo, porque esa non é a situación que se deu no pleno. Ese artigo di que se permitirá participar en forma telemática no caso de que concorran situación excepcionais de forza maior, de grave risco colectivo ou catástrofes públicas que impidan ou dificulten de maneira desproporcionada o normal funcionamento do réxime presencial. É evidente que que a señora Freire non poida acudir ao pleno non é una catástrofe; ou igual o é para o seu partido, pero é evidente que para a provincia non”.
Os populares cren que “é posible, polo tanto, que o pleno se celebrara de maneira ilegal, o que cambia absolutamente as votación, porque o equipo de goberno só ten un voto máis que o PP e ademais faltaba o presidente”. Castiñeira sinala: “Entendemos que isto puido ser decidido de forma interesa. Consideramos que é un asunto grave, e por iso nos reservamos calquera outra posibilidade de actuación, en relación coa presidenta da sesión plenaria ou do equipo de goberno, porque entendemos que non se cumpriu a lei e que non se daban as circunstancias para permitir á señora Mónica Freire Rancaño participar no pleno de forma telemática”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
