Foz, 8 de xuño de 2022. O Concello de Foz, dende a súa Delegación de Cultura, dá comezo este venres á primeira edición do Certame de Teatro Afeccionado, que leva o nome dun dos seus máis ilustres teatreiros, José Luis López Lorenzo, coñecido como O Poto, xa falecido.
A concelleira Inés López Couto explica que “despois de máis de dous anos de dificultades sobrevidas pola pandemia da COVID, dende a Delegación de Cultura fíxose un chamamento ás agrupacións teatrais do concello. Foz conta con seis grupos de teatro afeccionado, que durante este tempo esforzáronse por sobrevivir e poder seguir espallando cultura e levando sorrisos a aqueles que o pasaron mal. Ao longo deste tempo organizaron representacións con menos actores e actrices, actuaron con máscara ou foron capaces de dramatizar situacións habituais que fomos vivindo coas novas normas da pandemia. Este traballo, non sempre valorado, debe poder ser desfrutado por todos e ter un nexo común, como é o deste certame”.
A edil de Cultura engade que “este ano só participan grupos locais, pero en vindeiras edicións abriremos o certame a todo mundo. Nesta primeira edición preferimos darlles todo o protagonismo aos nosos grupos locais, que fixeron todo tipo de inventos para seguir ensaiando: ata por teléfono o facían!”.
Inés López destaca que “este certame é unha maneira de dar visibilidade ao teatro afeccionado. En Foz hai unha moi importante afección a el, con seis grupos, repartidos entre as distintas parroquias do municipio, e que incluso un deles conta dunha compañía infantil. Quixemos darlle o nome de José Luis porque foi un veciño ilustre e moi querido que levaba anos formando parte da compañía da súa parroquia, que é a histórica de Foz, o grupo Axóuxeres. José Luis era un namorado do teatro e da cultura e eses son os valores que nos gustaría que foran imaxe e perduraran co certame”.
López Couto tamén anuncia o programa: “as representacións darán comezo este venres e continuarán o sábado 11 e o domingo 12, así coma na vindeira fin de semana: os días 17, 18 e 19. O lugar elixido é a Casa da Cultura e a hora, ás 20 horas, excepto a representación do venres 17, que será na Praza Conde de Fontao ás 22 horas. O venres 10 ás portas abriranse para homenaxear a José Luis López Lorenzo e contaremos tamén para iso coa presenza de Avelino González, que nos contará os seus Contos que foron chiste a partir das 20 horas na Casa da Cultura. O sábado 11 poderemos desfrutar da representación da obra A Morte Morrida, do grupo de teatro O Centiño, de San Martiño. O domingo 12 será o momento de ver O Randiña, do grupo Pico do Castro, de Foz. A vindeira semana abrirase escena con Touporroutou Teatro acompañados pola Banda de Música de Foz coa obra Temazo, tía. O sábado 18 será a quenda da Adala, de Fazouro, coa obra Vivan os noivos. E, finalmente, o domingo 19 Axóuxeres, de Vilaronte, representará Cousas de mulleres”.
A concelleira explica ademais que “este ano botaremos de menos á compañía O Batán, de Cangas, pero esperamos acollelos o ano que vén e seguir con máis forza. Dende Cultura gustaríanos agradecer a implicación dos grupos e a súa incrible disposición para comezar esta andaina e volver desfrutar do teatro en todo o seu esplendor. O certame contará con xurado e votación do público: esperamos a presenza de espectadores para gozar e valorar a calidade teatral da cultura local. Agardámosvos en Foz”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
