Ribadeo, 2 de xuño de 2022. Un proxecto presentado polo departamento de Electricidade do Centro Integrado de Formación Profesional Porta da Auga, de Ribadeo, é o único da provincia de Lugo dos 14 elixidos pola Xunta de Galicia para a creación de espazos de tecnoloxía aplicada. Grazas a esta iniciativa neste centro educativo ribadense farán unha instalación solar para autoconsumo e colocarán puntos de recarga para vehículos eléctricos.
O xefe do departamento de Electricidade do CIFP Porta da Auga, Benito Fernández Rey explicou que “é unha convocatoria da Xunta de Galicia, concretamente da Consellería de Educación, para espazos de tecnoloxía aplicada, que consiste nunha mellora das aulas taller dos Centros Integrados de Formación Profesional e IES; estaba dirixida a estes centros de Secundaria. A dotación é de 55.000 euros por centro ao que lle foi concedida. Presentáronse cerca de 50 centros de toda Galicia con máis de 60 proxectos, porque cada centro pode presentar máis dun, e concederon 14 pois era a dotación que tiñan prevista. O CIFP Porta da Auga é o único da provincia de Lugo ao que lle concederon esta axuda”.
Benito Fernández engadiu que “neste centro o proxecto consiste basicamente en dous aspectos relacionados coa electricidade que están moi en boga e nos cales se espera que haxa moita demanda de emprego: as instalacións solares fotovoltaicas para autoconsumo e os puntos de recarga de vehículo eléctrico. Entón o proxecto que fixemos nosoutros para mellorar dúas aulas taller de Electricidade consiste basicamente nestes dous aspectos: colocar puntos de recarga de vehículo eléctrico e facer unha instalación solar de autoconsumo, que irá nas proximidades dos talleres, orientadas cara ao sur, como ten que ser, duns 6 kilovatios. Estas dúas instalacións teñen dous obxectivos basicamente, que son a formación do alumnado e tamén van servir para recargar vehículos eléctricos de persoal do centro e para autoconsumo das instalacións do Porta da Auga, co cal vai supoñer unha redución no consumo e no gasto de enerxía que ten o centro, aparte da mellora en formación”.
O director do CIFP Porta da Auga, Isidro Berdeal, comentou que “por parte da dirección do centro o que fixemos foi trasladar a convocatoria que recibimos da Consellería e o xefe do departamento de Electricidade, Benito, colleuno de moi bo grado, preparou o proxecto desde cero e vai ser tamén o encargado, evidentemente, de darlle forma e poñelo a funcionar. Hai que agradecerlle o compromiso que ten co centro en todo momento”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
