Trasladoulle a preocupación pola falta de persoal que se agudiza durante o verán, polo incremento de poboación e falta de cobertura do persoal habitual
Barreiros, 2 de xullo de 2022. A alcaldesa de Barreiros dirixiu nesta semana pasada unha carta ao conselleiro de sanidade para facelo coñecedor da situación que se vive no centro de saúde de Barreiros e a necesidade de contratar persoal para atender os servizos necesarios.
Neste sentido, trasladoulle que “nesta situación, atopamos que a única cita dispoñible no servizo de pediatría -xa de por si escaso durante todo o ano- para o todo o mes de xullo é o día 18 de xullo, non podendo obter outras citas neste servizo. Isto supón que a atención de nenas e nenos recaia sobre o persoal médico do centro que tamén estará minguado durante o verán.
Polo tanto, “a previsión fai que a saturación do persoal que se manteña no centro, tanto facultativo como administrativo, sexa moi acuciante debido non só a ter que facerse cargo das cartillas de compañeiras e/ou compañeiros ausentes; senón tamén do cupo de pediatría e das persoas desprazadas.”
Por este motivo reiteroulle novamente “a necesidade de reforzar durante os meses de verán o persoal do centro de saúde de Barreiros, non só dando cobertura ás vacantes que poidan existir por distintos motivos, senón tamén destinando persoal de reforzo ao mesmo.” Do contrario, explicou, “o deterioro ao que está permanentemente sometida a atención primaria verase agravado e perxudicará notablemente a atención recibida e o propio sistema sanitario público; co que iso supón na creación de desigualdades entre as persoas en función dos recursos e máis nunha época tan complicada economicamente como a que estamos a vivir”.
Por todo o exposto, e á vista da situación que se está a vivir e as previsións de empeoramento da mesma, a carta remata facéndoo “coñecedor dun importante malestar na poboación deste concello con respecto á atención primaria no Centro de Saúde e solicitarlle a dotación do persoal mínimo para unha correcta atención das veciñas, veciños e persoas desprazadas polo correspondente persoal para garantir os dereitos sanitarios dos mesmos e a calidade da atención sanitaria e do propio persoal en Barreiros.”
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
