A Deputada de Turismo destacou o bo funcionamento e o éxito deste programa do que xa gozaron 86 colectivos e asociacións da provincia e que se retomará tras os meses estivais
Lugo, 2 de xullo de 2022. A Deputación de Lugo pechou esta semana a primeira parte dunha nova edición do programa de viaxes gratuítas Coñece a túa provincia, que se retomará no outono, con viaxes entre setembro e novembro. No que vai de tempada beneficiáronse preto de 1.800 usuarios e unhas 85 entidades e colectivos lucenses sen ánimo de lucro. A Deputada de Réxime Interior, Promoción do Territorio e Turismo, Pilar García Porto, valorou esta nova edición e destacou o interese amosado polas entidades lucenses.
Así mesmo, destacou que “a xente que participou valorou dun xeito moi positivo a organización, os itinerarios e o desenvolvemento das viaxes, polo que estamos satisfeitos e convencidos dun programa que, xa na súa primeira edición, foi todo un éxito e, este ano, non podía ser menos”.
“Sempre haberá cousas que mellorar, pero creo que este modelo funciona e cumpre cos obxectivos cos que o organizamos: facer comunidade, favorecer que os nosos veciños e veciñas coñezan a súa propia provincia, o seu entorno máis próximo e, con iso, dinamizar a actividade do turismo, da hostalería e do comercio, así como consolidar un modelo de turismo de calidade, sostible, con capacidade para atraer visitantes ao longo do ano, que pon en valor o patrimonio e que mantén e crea emprego, sobre todo no rural”, destacou García Porto.
As viaxes, que arrancaron a finais de marzo e remataron este pasado xoves, levou aos beneficiarios a coñecer o patrimonio natural, histórico, cultural e gastronómico da provincia de Lugo a través dos 37 itinerarios deseñados pola institución provincial. Entre as rutas máis reclamadas polas entidades figuran as da Mariña e as da zona da Ribeira Sacra. Ademais, visitaron algunhas das instalacións da institución provincial, como o Pazo de San Marcos, o Mazo de Santa Comba ou a Granxa Gayoso Castro, entre outras.
O programa
Coñece a túa provincia inclúe o transporte de balde para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
A institución provincial recibiu para a segunda edición 170 solicitudes durante o período de inscrición, das que foron admitidas 135 seguindo a orde de inscrición ata completar as prazas dispoñibles, tal e como sinalan as bases. Ademais, aceptáronse 32 entidades que entraron na listaxe de agarda.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
