Ángeles Vázquez subliña que os municipios galegos con áreas de rehabilitación integral ou áreas Rexurbe xa declaradas poderán acollerse tamén a esta liña de incentivos grazas á insistencia e ás xestións realizadas polo Goberno autonómico
Cervo, 12 de xullo de 2022. A Xunta de Galicia convocará a próxima semana as axudas do novo programa para a rehabilitación de vivenda a nivel de barrio, dotado para este ano con 11,5 millóns de euros e co que se financiarán actuacións de rehabilitación enerxética sobre edificios e vivendas de uso residencial localizados dentro de ámbitos municipais concretos e previamente delimitados.
Dirixido a particulares e a entidades locais, a conselleira de Medio Ambiente, Territorio e Vivenda, Ángeles Vázquez, anunciou que estes incentivos se publicarán no DOG o vindeiro martes, polo que a partir do día seguinte, 20 de xullo, xa se poderán solicitar.
Así o avanzou a responsable autonómica esta mañá en Cervo no marco dun dos encontros informativos #ConstruíndoFogar que organiza o seu departamento e cos que percorre desde o pasado mes de febreiro diferentes comarcas galegas para dar a coñecer entre os seus potenciais beneficiarios o conxunto de subvencións en materia de vivenda que se convocarán ao longo de 2022.
Acompañada polo director xeral do Instituto Galego da Vivenda e Solo (IGVS), Heriberto García, o delegado territorial da Xunta en Lugo, Javier Arias, e ao redor de medio cento de representantes municipais, empresarios, profesionais de distintas ramas do sector e veciños dos 15 concellos que conforman a Mariña lucense, Ángeles Vázquez subliñou a grande oportunidade que suporá para Galicia a trintena de programas que xestionará o seu departamento este ano, poñendo á disposición de particulares, entidades locais e promotores máis de 150 M€ para actuar no eido residencial.
Neste sentido a responsable autonómica aproveitou a súa intervención para animar aos asistentes a aproveitar o orzamento dispoñible e apoiar tamén á Xunta na súa difusión, co fin de garantir que cheguen ao maior número posible de beneficiarios e incidindo, sobre todo, naqueles programas de especial interese para esta provincia.
Ao respecto, referiuse á inminente convocatoria do programa de barrio, dotado para este ano con 11,5 millóns pero que mobilizará case 23 millóns de euros de aquí a 2026.
Deste xeito, os particulares poderán acadar o 80% do investimento —cun límite de 29.450 euros por inmoble— para mellorar ou rehabilitar as súas vivendas co fin de obter un aforro enerxético de, polo menos, un 30%. Os concellos poderán realizar tamén actuacións complementarias de urbanización, reurbanización ou mellora da contorna física no ámbito delimitado así como para investir en servizos como as oficinas de rehabilitación que faciliten a xestión das actuacións previstas sobre os inmobles de tipo residencial.
Neste sentido, a conselleira salientou o “impulso fundamental” que suporá este novidoso programa para as zonas escollidas, subliñando ademais que os municipios galegos con áreas de rehabilitación integral (ARI) ou áreas Rexurbe declaradas poderán acollerse tamén a esta liña de incentivos grazas ás xestións realizadas polo Goberno autonómico.
O programa a nivel de barrio, ademais, virá sumarse ao de nivel de edificio, convocado no mes de maio e que aínda se pode solicitar ata o 30 de novembro para, neste caso, subvencionar actuacións promovidas por particulares para mellorar a eficiencia tanto de vivendas oficiais como de segundas residencias.
Ademais, Ángeles Vázquez subliñou que esta mesma semana tamén se convocará o Bono de alugueiro social, co que se mobilizarán ata o ano 2026 preto de 15 millóns de euros para cubrir o 100% do custo do arrendamento da vivenda habitual dos colectivos máis vulnerables da Comunidade.
Así mesmo, a conselleira fixo fincapé nun programa de especial relevancia para a Mariña: os incentivos a persoas mozas para contribuír ao reto demográfico. Trátase dunha das liñas de apoio á adquisición de vivenda previstas para este ano e está pensada especificamente para concellos de menos de 10.000 habitantes, polo que poderán solicitarse en 13 dos 15 municipios da comarca —A Pontenova, Alfoz, Barreiros, Burela, Cervo, Lourenzá, Mondoñedo, O Valadouro, O Vicedo, Ourol, Ribadeo, Trabada e Xove—.
Cun orzamento de 2,55 millóns de euros, unha vez se publique a convocatoria, os mozos que queiran comprar a súa vivenda habitual nalgún destes concellos lucenses terán dereito a pedir unha axuda de ata 10.800 euros.
Guía informativa á disposición dos cidadáns
Durante a súa intervención, Ángeles Vázquez animou aos asistentes a informarse sobre o amplo abano de incentivos á vivenda e contribuír deste xeito a dinamizar o mercado residencial e a actividade construtiva de Ourense.
Pola súa parte, o director xeral do Instituto Galego da Vivenda e Solo, Heriberto García, fixo unha presentación detallada dos diferentes programas que xestionará este organismo, incidindo especialmente nos requisitos de acceso, os colectivos aos que van dirixidos, as contías e os prazos de presentación, no caso dos que xa foron publicados.
Así mesmo, tamén se informou da posta en marcha en marzo da nova Oficina de rehabilitación de vivenda da Xunta en Santiago, que ofrece atención presencial e telefónica, cunha media de 90 chamadas atendidas ao día; e que está dispoñible en formato dixital unha guía cos distintos programas de axudas para rehabilitación enerxética no eido residencial, un documento que se pode descargar neste enlace.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
