O Presidente, José Tomé Roca, asinou co Alcalde, Primitivo Iglesias, un convenio de colaboración para a reparación de accesos e conexións viarias aos núcleos de Bretoña, Fontao, Biduido e Alvite, e a dotación de luminarias na zona do Carrizal, onde conflúen tres vías provinciais que conectan A Pastoriza cos concellos de Abadín e Cospeito
Lugo, 7 de xullo de 2022. O Presidente da Deputación de Lugo, José Tomé Roca, asinou co Alcalde da Pastoriza, Primitivo Iglesias, un convenio de colaboración por un importe total de 135.000€ para melloras de accesibilidade e instalación de alumeado en distintos puntos do concello chairego. José Tomé destacou a importancia deste acordo, ao que a institución provincial achega preto de 108.000€, que beneficiará á veciñanza de Bretoña, Fontao, Biduido e Alvite, e aos usuarios da zona do Carrizal, onde conflúen tres vías provinciais que conectan A Pastoriza cos concellos de Abadín e Cospeito.
Entre as melloras que o Concello poderá realizar grazas á aportación da Deputación está a pavimentación da conexión de Bretoña coa estrada LU-125 con aglomerado en quente. Os traballos, cun orzamento total de 43.200€, levaranse a cabo nuns 700 metros da vía na contorna do núcleo de Fontao. Tamén se actuará en 300 metros do firme do acceso a este núcleo, cun investimento de 12.500€, dos que a institución provincial achega máis de 10.000€.
Neste convenio inclúense unha actuación que beneficiará aos veciños e veciñas do núcleo de Alvite, mellorando o acceso coa dotación dun novo firme cun orzamento de 22.000€. Por outro lado, levarase a cabo a rehabilitación de 300 metros da conexión do Biduido coa estrada LU-122, cunha achega provincial de 10.300€ e un investimento total de preto de 13.000€.
Por último, levarase a cabo tamén a instalación dunha rede de alumeado público na zona do Carrizal, cun investimento de 38.600€, dos que a Deputación achega 30.900€ para a súa execución. Estes traballos levaranse a cabo nun punto no que se encontran tres vías provinciais que conectan A Pastoriza cos concellos de Abadín e Cospeito. Instalaranse 20 luminarias, 16 delas colocadas nos accesos á rotonda repartidas en catro grupos e, outras catro, no centro da rotonda orientadas a cada un dos accesos da mesma.
Tomé Roca destacou que “este acordo demostra que a mellora das comunicacións é unha prioridade para o Goberno. Estas actuacións suporán unha mellora na mobilidade deste concello que aumentará a calidade dos veciños e veciñas e beneficiará á actividade das empresas e do sector gandeiro”.
A Deputación coa Pastoriza
O Presidente visitou recentemente o concello da Pastoriza onde anunciou novas actuacións na estrada provincial LU-P-4401, á altura da Avenida Principal, onde a Deputación acometerá un proxecto que inclúe a dotación de novas beirarrúas, rehabilitación do firme, nova sinalización e melloras no alumeado entre os quilómetros 0 e 1,550 cun orzamento de 360.000€. Tamén se está acometendo outro proxecto nesta vía que ascende a máis de 300.000€ para renovar o pavimento, por tramos, en preto de 11 quilómetros para mellorar a comodidade e a seguridade na estrada.
José Tomé enmarcou estas actuacións na “cooperación continua que mantemos co Concello da Pastoriza e con todos os municipios da provincia para que poidan ofrecer máis e mellores servizos ós seus veciños”. Subliñou que a Deputación destinou un investimento de máis de 3M€ só no que vai de mandato, e “vamos a seguir nesta liña de colaboración”.
Ademais do Plan Único de Cooperación cos Concellos, que este ano 2022 ascende a preto de 345.000€, e dos diferentes proxectos destinados a mellorar a mobilidade no municipio, a Deputación de Lugo asinou nos últimos meses tres convenios de colaboración con este municipio chairego. Un para a celebración da Festa da Bola de Liscos e Freces de Bretoña dotado con 3.000€, outro por importe de 2.600€ para a celebración dunha proba do Campionato Galego de Andadura, e un terceiro para a creación dun parque infantil e a realización dun estudo sociolóxico, un poemario e un libro sobre o municipio que ascendeu a preto de 50.000€.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
