O Deputado de Recursos Sostibles sinalou a importancia do sector primario en xeral e do gandeiro en particular para “garantir o futuro do noso rural” porque se trata dun sector “que fixa poboación, coida o medio ambiente e axuda á ordenación do territorio”
Lugo, 22 de xullo de 2022. O Deputado de Recursos Sostibles, Roberto Fernández Rico, participou este venres na homenaxe aos gandeiros e gandeiras da provincia que cesaron a súa actividade por xubilación nun acto organizado pola Asociación Nacional de Criadores de Gando Vacún Selecto de Rubia Galega (Acruga) este mediodía no Pazo de Feiras e Congresos de Lugo. Unha cita na que Fernández Rico aproveitou para poñer en valor o traballo dos gandeiros e tamén para destacar o compromiso da Deputación de Lugo co sector primario en xeral e co gandeiro en particular.
Xunto ao Deputado participaron neste acto o Presidente de Acruga, César Dorado, o Concelleiro de Medio Rural e Medio Ambiente de Lugo, Miguel Fernández, e o presidente de Caixa Rural Galega, Manuel Varela.
Roberto Fernández Rico comezou agradecendo a labor dos gandeiros por ter traballado “nunha das profesións máis importantes, máis bonitas e probablemente máis sacrificadas que hai. Un traballo que non sabe de horarios, que non sabe de festivos, e que non está pagado, nin recoñecido como debería. Un traballo que identifica como ningún outro a esta provincia, e que temos o deber de poñer en valor dunha vez por todas”.
Sinalou que a gandería é imprescindible “para garantir o futuro do noso rural, un sector que fixa poboación, que coida o medio ambiente, e que axuda á ordenación do territorio e á prevención dos incendios forestais, que, por desgracia, tanto estamos sufrindo estes días, outra vez, na nosa provincia”. Porque segundo apuntou Fernández Rico, “o sector gandeiro, o conxunto do sector primario, é fundamental a nivel económico, como fonte de riqueza e de emprego, pero tamén como garante da nosa capacidade de abastecemento cando chegan os momentos difíciles, como os que vivimos coa pandemia, e como os que seguimos vivindo”.
Destacou o Deputado o compromiso da institución provincial con este sector, “por iso actuamos decididamente con diferentes políticas e estratexias, que desenvolvemos en colaboración coa Universidade e co propio sector produtivo, para que sexan accións eficaces, que respondan ás necesidades e que aproveiten as potencialidades da nosa provincia”.
Puxo como exemplo o traballo desenvolvido na Granxa Gayoso da Deputación de Lugo, en Castro de Rei, onde explicou que entre outras cuestións, a institución desenvolve un labor de apoio á recría de becerras de raza Rubia Galega coa colaboración de Acruga; pero tamén ten un centro de recría de gando vacún de leite, “o primeiro de iniciativa pública creado en España, co que estamos aforrando a día de hoxe ós gandeiros da provincia medio millón de euros ó ano nas labores de recría”; e a Granxa Experimental de Leite, “que é o primeiro centro público de Galicia que aúna formación e investigación universitaria sobre o sector lácteo para axudar ás explotacións a ser máis competitivas, produtivas e sostibles”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
