Terán o prazo dun mes para cumprir con ditas obrigas e manter en boas condicións estes espazos
Burela, 22 de xullo de 2022.- O alcalde de Burela, Alfredo Llano, vén de emitir un bando para lembrar ás persoas propietarias de parcelas e fincas a obriga de manter limpos estes espazos, xestionar correctamente a biomasa vexetal e retirar especies arbóreas prohibidas para a prevención e defensa contra os incendios.
No bando especifícase que todos os propietarios de terreos clasificados como solo urbano ou urbanizable sitas no termo municipal do Concello de Burela deberán executar na totalidade da superficie referida os traballos de roza que sexan precisos, limpar e eliminar residuos nas debidas condicións de hixiene, salubridade e seguridade, que xestionen a biomasa vexetal e que se corten e retiren as árbores que podan supoñer un perigo no relativo aos incendios forestais.
Tamén entrarían dentro da obriga aquelas persoas físicas ou xurídicas de parcelas ou fincas que teñan a consideración de monte ou terreo forestal, ou ben que estean situadas nas zonas de influencia forestal. Ademais do anteriormente exposto, deberán proceder á retirada das especies arbóreas no ámbito das redes de faixas secundarias de xestión de biomasa, así como adecuar as masas arboradas existentes e as novas plantacións ás distancias mínimas establecidas na Lei de Montes de Galicia.
Esténdese a norma particularmente a determinados lugares indicados no bando, sen prexuízo doutras zonas, dando o prazo dun mes improrrogable para a súa execución. Serían as parcelas e/ou fincas situadas nas inmediacións da zona industrial do Perdouro (rúa Camiño Real, LG do Bordeón, Ancares,
Lamestra, Perdouro); nas inmediacións da zona do Instituto Monte Castelo, Ceip Vista Alegre e Escola Infantil Galiña Azul de Burela (rúa Camiño Real, Perdouro, Pelamios, rúa do Torques); na contorna da zona do Hospital da Mariña (Barreira, Xardín, Rinchaforte, rúa Rafael Vior, rúa Camiño Real); na zona da Casa Cuartel da Garda Civil (Cancelo – estrada de Vilaestrofe); nas inmediacións da Vila do Medio (Camiño de Pardiñas, Cinoche, Camiño da Mulariña, Camiño de Vilar); nos arredores do Vilar (Camiño de Pardiñas, Camiño de Vilar, Camiño das Riveiras); e onde os Castros e a Estrada da Marosa (Camiño dos Colexios, Estrada da Marosa, Camiño de Langoria, Camiño do Foxo).
Desde o Concello instan aos propietarios destes terreos a que procedan de inmediato a realizar os traballos de conservación, mantemento e limpeza como medidas obrigatorias de prevención e defensa contra os incendios, indicando que iniciarán e tramitarán procedementos sancionadores naqueles casos que se incumpra e en función da situación das parcelas ou fincas afectadas.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
