A acción “Cociña en directo” está enmarcada nun proxecto piloto liderado polo GDR Terras de Miranda, apoiado pola Xunta e realizarase co apoio do Concello de Ribadeo
Ribadeo, 22 de xullo, 2022. Promover o produto local é un dos obxectivos principais de Cociña en directo, un
evento enmarcado dentro dun proxecto piloto deseñado polo GDR Terras de Miranda e a Asociación de produtores de horta A Sucadoira. A acción terá lugar na Praza de Abastos de Ribadeo o día 24 de xullo ás 12 horas e contará co respaldo da Xunta de Galicia e a presenza do Concello de Ribadeo.
Ribadenses e visitantes poderán gozar dunha demostración gastronómica con produto local a cargo dos cociñeiros Felipe F. Barcia da Horta de San Roque e Mar Orosa de Bar Oviedo, da Asociación Provincial de Cociñeiros de Lugo. As receitas realizaranse en directo e exclusivamente con ingredientes procedentes da zona. Contarase con verduras e hortalizas cedidas pola Sucadoira, peixe fresco da confraría de Burela e tenreira D.O.
carne de Rubiaa Galega.
Proxecto piloto
Planificar e realizar diferentes accións encamiñadas a poñer en auxe o valor e a promoción dos produtos locais foi o obxectivo principal do proxecto realizado por Terras de Miranda e A Sucadoira. Grazas a el, durante os últimos meses elaborouse un estudo e análise sobre a produción de produtos na horta onde se analizaron as
diferentes tipoloxías de produtores, a produción total anual e os seus excedentes e a relación de posibles beneficiarios.
Con isto, deseñáronse, planificaron e puxeron en marcha diferentes accións de sensibilización e coñecemento sobre o produto de proximidade e km0 en diferentes centros de ensino.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
