O delegado territorial de Lugo, Javier Arias, explica que doce participantes se formaron en carpintaría e oito en atención sociosanitaria, combinando as clases teóricas coa realización de traballos prácticos
O Vicedo, 14 de xullo de 2022.- A Xunta de Galicia entregou hoxe os diplomas aos 20 participantes no obradoiro Terras do Sor V, promovido polos concellos de Ourol, O Vicedo e Muras e financiado pola Consellería de Promoción do Emprego e Igualdade cun investimento de 356.000 euros.
O delegado territorial da Administración galega en Lugo, Javier Arias, participou no acto xunto cos respectivos alcaldes, onde explicou que doce alumnos se formaron durante nove meses na especialidade de traballos de carpintería e moble e oito en atención sociosanitaria a domicilio.
O alumnado deste último módulo tivo a oportunidade de aplicar os coñecementos adquiridos na residencia Betania de Viveiro; mentres que os de carpintaría combinaron a aprendizaxe teórica coa fabricación de elementos de madeira para uso público nos tres concellos.
Así, en Ourol confeccionaron 16 papeleiras, mobiliario diverso (25 taboleiros, 50 bancos, 100 cabaletes e 30 cadeiras pregables); así como 100 metros de valado para o Paseo da Rega, entre outros. No Vicedo tamén fixeron mobles (100 cadeiras pregables, 25 bancos e 8 mesas), ademais de tres marquesiñas e dous cobrecontedores. Pola súa banda, en Muras fabricaron 60 taboleiros, 120 cabaletes, 200 cadeiras pregables, un cobrecontedor para a parroquia da Balsa e unha mesa polivalente pregable.
Arias afirmou que a achega económica da Xunta inclúe incentivos para contratar a seis dos alumnos-traballadores en empresas da contorna e de sectores relacionados coas especialidades impartidas, por un mínimo de tres meses cun contrato a xornada completa.
Tamén explicou que a Consellería de Promoción do Emprego e Igualdade ten pendente de resolución a nova convocatoria de axudas a concellos para poñer en marcha obradoiros de emprego, que este ano amplía o seu orzamento nun 23% ata os 42,1 millóns de euros. Ademais, nesta edición amplíase a duración ata os doce meses -agora son nove-.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
