Dúas facultativas fanse cargo da atención de toda a poboación estable e estacional
Desde o BNG queremos denunciar a situación na que se atopa a Atención Primaria no noso Concello, xa de por si deteriorada, e que se veu agravada ao non cubrir a praza da doutora que se xubilou en San Cibrao este ano.
Hai poucos anos Cervo contaba con catro prazas de persoal facultativo (unha en Cervo e tres en San Cibrao). Tras a xubilación de dous destes profesionais, o primeiro hai anos e o segundo este mesmo ano, o resultado é a situación que temos agora: unha doutora en San Cibrao e outra que reparte os días de consulta entre Cervo e San Cibrao.
As carencias de substitucións para ausencias laborais como vacacións, días de asuntos propios, permisos ou baixas por enfermidade xa eran algo habitual e agora agudizase ata o punto de deixar en precario a atención que poden dar estas profesionais a toda a poboación do Concello e que se ve agravada en época estival polo incremento de poboación no Concello. A carga de traballo e presión á que se ve sometido o persoal é brutal, poñendo en risco a súa propia saúde e diminuíndo inevitablemente os tempos de atención e consecuentemente a calidade da atención prestada. Só o esforzo e entrega do persoal, xunto coa súa profesionalidade, palían unha situación que é insostible no tempo e que deriva das nefastas políticas do Partido Popular en materia sanitaria, con recortes económicos e precarización nas contratacións, todo perfectamente deseñado e planificado para desprestixiar e rematar coa sanidade pública e para maior gloria da sanidade privada.
O Alcalde do PP Alfonso Villares, como sempre, ausente
A actitude do alcalde do PP Alfonso Villares neste asunto é, como de costume, de total servilismo ao seu partido sendo cómplice, por activa e por pasiva, das súas políticas nesta materia e renunciando sistematicamente á defensa dos intereses da veciñanza.
Desde o BNG de Cervo exiximos que se solucione esta situación, e facemos un chamamento á veciñanza para que reclame e se mobilice, para evitar que o desta redución se converta en definitiva, para o que animamos a acudir o martes dia 12 ao centro de saúde de Cervo onde a Plataforma Sanitaria da Mariña ten previsto poñer a Mesa de axuda de reclamacións entre as 11 e as 13 horas.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.