Viveiro, 28 de xullo, 2022. A concelleira do BNG, Miriam Bermúdez, informa de que despois da moción presentada polo BNG fai un ano e as numerosas insistencias, por fin está elaborada a “Ordenanza de uso e aproveitamentos das praias de Viveiro”, presentada pola alcaldía de Viveiro en medio do verán, e polo tanto chegando xa tarde para a súa aplicación neste 2022. O BNG de Viveiro fai constar as seguintes consideracións a esta ordenanza:
En primeiro lugar, sorprende que non apareza a “Praia de Arnela” nesta Ordenanza das Praias de Viveiro, quedando desaparecida ou fóra de uso e desfrute da veciñanza, polo que solicitamos a presenza desta praia no listado.
Segundo, propoñemos no Punto 2 do Artigo 19 modificar as datas de aplicación, orixinalmente con prazos do 1 de xuño ao 30 de setembro, para que esta medida se aplique desde o 15 de xuño ao 15 de setembro. Tamén vemos necesario incluír neste apartado a excepcionalidade na prohición de animais de compañia nas praias de uso compartido, quedando o texto da seguinte maneira:
Está prohibido o acceso á praia de cans ou calquera animal de compañía dende o 15 de xuño ao 15 de setembro, de 09:00 a 21:00 horas, agás nas praias autorizadas para uso compartico de persoas con mascotas.
Por último e neste mesmo artigo, consideramos imprescindible incluír un Punto que diga o seguinte:
Establécense como praias de uso compartido, persoas e mascotas, as praias de Seiramar e Arnela.
Míriam Bermúdez afirma que “este punto é requisito indispensable para que o BNG vote a favor desta Ordenanza. Por un lado, en cumplimento coa moción do BNG aprobada en pleno sobre habilitar lugares para cans en praias e zonas verdes de Viveiro. E por outro lado, atendendo á demanda histórica da veciñanza de Viveiro, con innumerables solicitudes presentadas ao Concello de Viveiro, así como tamén, as exitosas recollidas de sinaturas que se realizaron e foron estregadas á alcaldesa, María Loureiro, tendo polo tanto constancia desta demanda e que lle foi recordada en numerosas ocasións.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
