Os populares din que “dende o grupo municipal do PP seguimos traballando dende a oposición en favor do municipio, nunha oposición construtiva, como o proba que as obras máis grandes que se fan nesta lexislatura, como son a depuradora e esta do IES de Foz, foron xestionadas por nós”
Foz, 1 de xullo de 2022. O goberno municipal de Foz (PSOE) é incapaz de dar solución ás principais necesidades do municipio. O grupo municipal do PP, sempre atento a buscar investimentos para o concello, está detrás dalgunhas das máis importantes obras en Foz.
O portavoz popular, Javier Castiñeira, sinala: “O anuncio das obras no centro de IES de Foz pola Xunta de Galicia é unha magnífica noticia, porque son moi necesarias e demandadas pola dirección do centro, demanda que o grupo municipal do PP trasladou á Xunta mediante unha moción en setembro do ano 2019”. Castiñeira explica que “dende aquela fixemos o seguimento e tratamos de que esta obra non caera en saco roto”. Os populares de Foz recoñecen “que a pandemia complicou a disposición de fondos; estamos a falar de 1.200.000 euros”. Indican que sempre viron “moi boa vontade na delegación da Xunta de Galicia para acometer esta obra, que é un investimento moi similar ao que xa se fixera no ano 2018 no colexio número 1, que transformou e modernizou o centro”.
Castiñeira di: “Agora, con máis de 40 anos de existencia, tócalle ao edificio de bacharelato, ao IES, que ademais únese aos moitos investimentos que xa se fixeron neste centro, polo que felicitamos ao director pola súa xestión, sempre con respecto, con moita dilixencia e moi eficaz. Pedimos paciencia, cando cheguen as obras, aos profesores, alumnos e familiares, posto que son obras maiores e imos ter que convivir un tempo con elas”.
O portavoz popular sostén que “dende o grupo municipal do PP seguimos traballando dende a oposición en favor do municipio, nunha oposición construtiva, como o proba que as obras máis grandes que se fan nesta lexislatura, como son a depuradora e esta do IES de Foz, foron xestionadas por nós, sempre a disposición para cubrir as necesidades do noso concello”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
