Teño o total convencemento de que As San Lucas de Mondoñedo conforman a mellor imaxe coa que a nosa cidade se presenta ao mundo. Son feira, son festa, son arte, son cultura e, por suposto, son tradición. 866 anos de historia ininterrompida dende 1156.
Formei parte da actual Asociación organizadora das San Lucas dende a súa creación e tiven o orgullo e a responsabilidade de presidila dende o ano 2012. Unha década na que traballei e traballamos co compromiso que implicaba estar ante a organización do que considero o espectáculo etnográfico máis importante de Galicia e un dos que conta con máis tradición de Europa.
Buscamos achegar este encontro fóra da provincia, das nosas fronteiras e que todos os galegos e as galegas as sentisen súas e as desfrutasen. Evolucionamos ao longo destes anos a través de programas que engrandeceran e potenciaran as nosas feiras, mantendo sempre a súa esencia: o cabalo como o epicentro; ao mesmo tempo que sumábamos novas actividades culturais, literarias e artísticas. Nun dos peores contextos co que nos puidemos atopar, o da pandemia, As San Lucas nunca se detiveron, sabendo adaptarnos ás circunstancias que nos rodeaban.
Hoxe despídome desta función, coa satisfacción de darlle o mellor de min ás San Lucas. Pese a ter tomada esta decisión dende o 2020, non quixen materializala por responsabilidade ata pasada a pandemia. Unha vez comunicada en xuño a miña non continuidade como presidente, seguín a cumprir ata a semana pasada, data en que se aprobou a nova directiva, coas responsabilidades intrínsecas a un cargo que non che permite parar ao longo do ano. Compráceme ceder o posto, deixando unha Asociación organizada, ao día e con recursos para afrontar as vindeiras San Lucas. Por suposto, tamén pido desculpas ante os erros que puidese ter, foron sempre buscando o mellor para As San Lucas e para Mondoñedo.
Non quero despedirme, sen trasladar o meu agradecemento persoal a todos os veciños e veciñas, así como aos visitantes, comerciantes e turistas por crer, apoiar e desfrutar das San Lucas. Tamén quero agradecer ás persoas coas que me atopei ao longo destes anos, coas que traballei conxuntamente para que cada 18 de outubro Mondoñedo volva a ser a capital que foi no Antigo Reino de Galicia.
E, por suposto, deséxolle o mellor aos meus compañeiros, que asumen agora esta responsabilidade, coñecedores da importancia das San Lucas e implicados con estas festas dende xa fai anos. Para eles, que veñan os maiores dos acertos no seu camiño, que permitirán que As San Lucas continúen a ser un referente europeo.
Miguel Souto Cabana
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
