Foz, 4 de agosto de 2022. Este mércores, 3 de agosto, publicouse na Plataforma de Contratos Públicos de Galicia a resolución da adxudicación do contrato de redacción do proxecto e construción da nova EDAR de Foz por 11,94 millóns de euros (2,3 % de baixa) á Unión Temporal de Empresas conformada por Espina y Delfín SL e Construcciones y Canalizaciones José Saa SL. A obra é financiada nun 80 por cento pola Unión Europea, a través do Programa Operativo Feder Galicia 2014-2020, e o 20% restante polo ente público autonómico Augas de Galicia. O Concello de Foz é o responsable da posta a disposición dos terreos necesarios para a obra, para o cal xa fixo todos os trámites plenarios necesarios e a Xunta de Galicia debe declarar agora o carácter urxente da expropiación.
A oferta marca un prazo para a redacción do proxecto construtivo, a execución da obra e a posta en servizo da nova depuradora de 33 meses desde a formalización do contrato. Segundo os informes publicados, o adxudicatario plantexou un bombeo directo desde o tanque de treboadas ata a nova EDAR, mantendo o bombeo previsto na Avenida de Viveiro unicamente para o caudal recollido en Llas 2.
O alcalde de Foz, Fran Cajoto, explica que “o prazo de execución de 33 meses inclúe 3 meses para a redacción do proxecto construtivo, 18 meses de obra e 12 meses para a posta en marcha da nova EDAR. Parécenos un prazo realmente curto, especialmente no tocante á redacción do proxecto, que é complexo. Entramos agora en fase de redacción do proxecto construtivo: despois de varias reunións con Augas de Galicia agardamos formar parte da supervisión do proxecto que se redacte, xa que vamos ser os mantedores da infraestrutura. Queremos o mellor proxecto posible: despois de máis de 5 anos de atraso no convenio asinado non nos importa agardar dous meses máis, o que nos preocupa é que a infraestrutura funcione e resolva o grave problema de depuración que temos no noso concello”.
O rexedor municipal continúa: “imos colaborar todo o posible con Augas de Galicia para conseguir entre todos a nova depuradora canto antes, pero esixindo un proxecto cunha boa solución técnica: se comeza a construción a inicios do vindeiro ano será unha boa nova. Hai que agradecer ás administracións que financian a obra, Unión Europea e Xunta de Galicia, o esforzo económico para conseguir unha Ría de Foz limpa e saneada”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
