Ribadeo, 25 de agosto de 2022. Mañá, venres, remata en Ribadeo o XI Fórum de Innovación e Formación sobre Vehículos organizado por Apaga. Esta tarde os participantes aproveitan para visitar Lourenzá e Mondoñedo.
Esta mañá houbo tres charlas. Unha pronunciada por Rafael Orihuela Navarro, responsable do Centro de Operacións da EMT de Madrid, que falou sobre a tecnoloxía actual do autobús urbano e os retos para abordar cos novos vectores enerxéticos. A segunda conferencia foi impartida por Joaquín Vázquez Gómez, especialista en materiais e procesos mecánicos de fabricación, que versou sobre o deseño dun proceso de forxa. E a terceira charla estivo centrada na utilización das redes sociais. A encarga de impartila foi Verónica Ramallal, de Pekecha creatividade dixital.
Mañá, venres, José Luis Fernández, instructor de BMW, falará dos vehículos eléctricos desta coñecida marca. Tomás Fernández Piñeiro, enxeñeiro electrónico de Stellantis Vigo, referirase á nova arquitectura electrónica. E Álvaro Sauras, enxeñeiro industrial e periodista da revista Autofácil-Evo, falará das dez cousas que Tesla nos ensinou sobre os coches e o seu mantemento.
O XI Fórum de Innovación e Formación sobre Vehículos rematará cun xantar.
Os 40 participantes, chegados desde as catro provincias galegas e desde Madrid, Murcia e Zamora, visitan esta tarde Lourenzá e Mondoñedo, despois de coñecer nas últimas horas o casco histórico de Viveiro e tamén ao Fuciño do Porco no Vicedo.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
