Este luns houbo só dúas médicas, e hoxe tres, para atender a unha poboación de quince mil persoas, nunha plantilla de dez facultativos
Viveiro, 13 de setembro de 2022. A alcaldesa de Viveiro, María Loureiro, demanda ao conselleiro de Sanidade da Xunta, Julio García Comesaña, que adopte as medidas necesarias para solucionar a situación caótica do centro de saúde e do conxunto da atención primaria na comarca.
Nunha carta remitida hoxe mesmo ao conselleiro, Loureiro expresa a súa “preocupación e malestar pola situación que está a sufrir o Centro de Saúde de Viveiro e as súas graves consecuencias para todos os veciños e veciñas”.
No día de onte, luns 12 de setembro, o Centro de Sáude de Viveiro viviu unha nova xornada de caos, tendo en conta que houbo só dúas médicas (tres hoxe) para atender a unha poboación de quince mil persoas, ademais dos desprazamentos. É inaceptable que, dunha plantilla de dez facultativos, queden só dúas médicas que, ante esta situación, se viron obrigadas a atender unicamente as urxencias.
“Hai tempo que se vén denunciando a falta de cobertura dos facultativos que se atopan en situación de baixa ou disfrutando dos permisos e vacacións regulamentarios, a falta de persoal, problemas na atención telefónica ou o mal funcionamento do PAC, no que se presta atención aos veciños de Ourol, O Vicedo e Viveiro e que, ante esta situación, están acudindo directamente ao servizo de urxencias do Hospital de Burela”, engade a alcaldesa.
“Ante esta situación é necesario que a Consellería de Sanidade adopte as medidas oportunas para garantir unha correcta prestación do servizo, evitando que estas graves deficiencias se volvan a producir”, remata.
A alcaldesa aproveitou a carta para informar ao conselleiro de que ten solicitada desde xaneiro, xunto coa Plataforma Sanitaria da Mariña, unha reunión co xerente da Área Sanitaria de Lugo, A Mariña e Monforte, Ramón Ares, para falar da situación na que se atopan os centros de saúde da comarca, indicando xa no seu momento que se invitaría aos demais alcaldes e alcaldesas da Mariña.
“Tendo en conta o tempo transcorrido dende a solicitude desta xuntanza, en xaneiro deste ano, é polo que solicito que realice as xestións oportunas co fin de poder ser recibidos por Ramón Ares”, apunta María Loureiro.
Por outra parte, a alcaldesa participou esta mañá nunha recollida de sinaturas en apoio dunha Iniciativa Lexislativa Popular, demandando medidas urxentes para mellorar a atención primaria.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
