A voceira provincial socialista lembrou que o Ministro de Pesca, Luis Planas, instou á Comisión Europea (CE) a suspender a aplicación do regulamento de execución sobre as áreas mariñas protexidas, e avanzou que non descarta presentar un recurso ante o Tribunal de Xustiza da UE se a Comisión non accede á esta petición
Lugo, 27 de xullo de 2022. A Deputación de Lugo demanda á Xunta de Galicia rexeitar a decisión da UE de prohibir a pesca de fondo en caladoiros nos que faena a frota galega. Así se acordou por unanimidade no Pleno ordinario celebrado este martes a raíz dunha proposta presentada polo Grupo Provincial Socialista.
A voceira do PSdeG na Deputación, Pilar García Porto, explicou na súa intervención que o Comisario de Pesca, Medio Ambiente e Océanos da UE, Virginijus Sinkevicius, anunciaba a mediados deste mes a súa intención de prohibir todo tipo de artes de fondo en 87 caladoiros das augas de España, Portugal, Francia e Irlanda. Polo tanto, son arredor de 16.400km2 afectados nos que se atopan 87 caladoiros.
A Deputada destacou de que esta medida ten sido fortemente contestada polo sector, xa que se toma sen facer distincións entre o diverso grao de impacto que xeran as diferentes artes pesqueiras, e sen contar con datos científicos actualizados da situación dos ecosistemas e dos caladoiros. “Por iso, dende o primeiro momento dende o PSdeG e, por boca do noso Secretario Xeral Valentín González Formoso, amosamos o noso rexeitamento a esta decisión, e que se esgoten todas as vías, mesmo xudiciais, para que non se leve a efecto”, sinalou.
Acción do Ministerio de Pesca
Así as cousas, García Porto lembrou que o Ministro de Agricultura, Pesca e Alimentación, Luis Planas, no día de onte instou á Comisión Europea (CE) a suspender a aplicación do regulamento de execución sobre as áreas mariñas protexidas, e onde avanzou que non descarta presentar un recurso ante o Tribunal de Xustiza da UE se a Comisión non accede á esta petición.
Unha medida prexudicial para a frota pesqueira da provincia
“Os socialistas lucenses sumámonos ó rexeitamento dunha medida prexudicial para a frota pesqueira da nosa provincia, que representa a un importante colectivo de autónomos e PEMES que aporta un importante porcentaxe do PIB á provincia e, de xeito especial, a unha comarca como a da Mariña que ten sufrido nos últimos anos a lacra dun grave proceso de desindustrialización. Son o 50% da frota de España, polo que o abandono das políticas industriais da Xunta serían moitísimo máis de prexudiciais na comarca, que xa esta dabondo abandonada. Por iso, dende aquí tamén solicitamos á Xunta axudas para frota lucense”, dixo a Deputada.
“Dende Bruxelas, estase a cuestionar sen base científica nin argumentos a actividade dun sector exemplar, esencial para a Mariña. Un sector que aporta riqueza e que captura nos caladoiros produtos de primeira calidade recoñecidos a escala internacional. Un sector que conforma un dos sinais de identidade sociocultural da nosa provincia, subliñou a voceira socialista.
García Porto aludiu tamén ás desafortunadas declaracións da representante do PP Paula Prado sobre a viaxe do Secretario Xeral do PSdeG a Bruxelas dicindo que ía a falar mal de Galicia, cando á realidade é que foi a defender ao sector, cousa que non fixo o Presidente da Xunta porque Rueda esta máis ocupado en atacar ao Goberno do Estado que en defender aos galegos. Por iso insistimos, o PP non resulta crible”, incidiu. E proseguiu asegurando que “primeiro fallou Feijóo, e agora fallou Alfonso Rueda, xa que o ponente desta normativa é un Eurodeputado do PP, Gabriel Mato. Cando tiveron a oportunidade de anticiparse e facer algo, non o fixeron, e non estiveron atentos. E agora empregan a técnica de primeiro reunirse co sector e escoitalo, pero despois van a Bruxelas a facer o contrario do que lles piden”, replicou.
A Xunta de Galicia debe sumar esforzos co Goberno central
A institución provincial “insta ao Goberno central para que traslade ás autoridades europeas o rexeitamento dunha decisión que consideramos inxusta e inxustificada e que esgote todos os medios para a súa retirada, ben a través da negociación, ben a través dos recursos legais dispoñibles, e solicita á Xunta de Galicia que sume esforzos co Goberno central para presionar en Bruxelas neste sentido, porque este non é un tema partidista, senón unha necesidade de país”.
Aprobada a Conta Xeral 2021
Tamén saíu adiante, na sesión plenaria deste martes, a Conta Xeral da Deputación de Lugo correspondente á anualidade 2021 cos votos favorables do PSdeG e do BNG e a abstención do PP. Segundo informou a Deputada de Economía, Recadación, Facenda e Especial de Contas, Mayra García Bermúdez, durante a exposición pública deste documento “non se presentou ningunha reclamación, reparo ou observación” e valorou positivamente que quede aprobado en tempo e forma.
Toma de posesión
Por outra banda, tomou posesión como Deputado Xosé María Teixido Núñez. O concelleiro de Guitiriz polo Partido Popular releva así a Agustín Baamonde Díaz. Teixido Núñez prometeu o seu cargo sobre a Constitución e recibiu o diploma acreditativo e a medalla que distingue aos representantes provinciais.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
