O secretario xeral do PSdeG sinala que a decisión que afecta á flota galega promóvea unha Comisión Europea que ten “maioría conservadora” e pídolle ao presidente da Xunta que “faga o seu traballo”
Santiago, 16 de setembro de 2022. O secretario xeral do PSdeG-PSOE, Valentín González Formoso, denunciou hoxe que “quen promove” o regulamento que prohíbe a pesca do arrastre de fondo en determinados caladoiros comunitarios “é a maioría conservadora” que goberna a Comisión Europea, e na que “está integrada o Partido Popular”, polo que emprazou ao presidente da Xunta, Alfonso Rueda, a que “faga o seu traballo” para modificar unha decisión “que atenta contra un sector estratéxico do noso país”.
Formoso participou este venres en Santiago, xunto ao ministro de Asuntos Exteriores, Unión Europea e Cooperación, José Manuel Albares, nunha xornada aberta coa militancia socialista para falar da crise de Ucraína e os seus efectos na sociedade. En declaracións aos medios, ofrecidas antes do acto, agradeceu a presenza do ministerio e que sitúe a Galicia nun lugar protagonista da axenda exterior, cos dous cumios europeos que acollerán Vigo e Santiago, a reunión da presidencia europea de Lugo ou co cumio hispano-alemán da Coruña.
En alusión concreta ao problemas da pesca, o líder dos socialistas galegos tamén remarcou que, sin os seus pescadores, “Galicia non é nada”, e por iso lle esixiu ao presidente da Xunta “que faga o seu traballo” de interlocución con Europa, pois advertiu o veto ao arrastre de fondo foi imposto pola Comisión Europea “que ten unha maioría conservadora na que está integrada o Partido Popular”.
O colexios de comisarios está formado por 27 representantes, dos que 17 son conservadores ou liberais, un verde, mentres que o número de socialistas é de nove. Formoso insistiu en que “hai que deixar claro que a Comisión Europea ten unha maioría conservadora” que aproba un regulamento que supón “un ataque” para a pesca en Galicia.
Tamén agradeceu o líder dos socialistas que o Goberno de España anunciara este mesmo venres, en colaboración co de Francia, o seu posicionamento “en contra do regulamento” de Bruxelas contra o arrastre de fondo, como xa teñen feito ámbolos dous países en anteriores ocasiones que se pronunciaron sobre este asunto.
Lembrou Formoso que esta mesma semana acadou o compromiso do comisario de Pesca, Virginijus Sinkevicius, para revisar a restrición ao arrastre de fondo a partir de novembro sempre e cando se aporten informes técnicos e científicos que o avalen. Polo tanto, dixo que o que toca agora é “defendernos xurídicamente”, encargar os informes e traballar con unidades as forzas políticas e os países afectados para intentar modificar unha decisión é absolutamente prexudicial para os intereses dun sector estratéxico para Galicia.
O GALEGO EN EUROPA
Pola súa banda, o ministro de Asuntos Exteriores, José Manuel Albares, destacou na súa visita o requirimento do goberno de España á presidencia do Parlamento Europeo para que se permita o emprego das linguas cooficiais por parte dos parlamentarios, incluíndo ao galego. Búscase así garantir os dereitos lingüísticos dos representantes públicos e dar un paso máis pola preservación das linguas minoritarias do Estado.
Salientou que o primeiro evento do mandato de España ao fronte da presidencia da UE será en Galicia, na cidade de Vigo, onde se celebrará un consello informal de pesca, así como, haberá un consello centrado no ámbito da economía e das finanzas en Santiago. Na procura de “aproximar Europa aos galegos”, tamén a cidade de Lugo contará cunha reunión da presidencia comunitaria.
O responsable da política exterior española recordou o cumio hispano-alemán que xuntará ao presidente Sánchez e ao chanceler alemán Scholz, que terá lugar na Coruña a principios do mes de outubro, unha data de especial ante o “desafío enerxético” que pon Rusia e o carácter estratéxico de España polos seus recursos naturais para poder axudar a Europa a superar estas dificultades.
Estas declaracións fixéronse no curso dunha xornada do ministro polo territorio galego, onde visitou as cidades de Lugo e Santiago, participando en respectivas charlas coa cidadanía para tratar as dificultades económicas derivadas da guerra de Ucraína que están a sufrir as sociedades europea e española, pero tamén a galega, co obxectivo de transmitir as súas impresións sobre o futuro do conflito a corto e medio prazo.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
