A Deputación de Lugo dá o seu respaldo á ILP de medidas urxentes para fortalecer a Atención Primaria, a iniciativa do BNG
Lugo, 27 de setembro de 2022. O BNG pediu a Partido Popular e PSOE compromiso para executar desde a Xunta de Galiza e desde o goberno do Estado as reclamacións necesarias para frear o veto á pesca de fondo en 87 zonas de pesca entre o Golfo de Cádiz e o Gran Sol imposto pola Comisión Europea.
A deputada Mónica Freire, responsable da área de Medio Rural, Mar e Mocidade, demandou esta actuación conxunta durante o debate dunha moción de apoio ao sector fronte ao veto da CE, aprobada por unanimidade no Pleno provincial.
A deputada mariñá explicou que “a decisión da Comisión Europea suporía a expulsión da frota galega de fondo de caladoiros nos que faenan podendo reducir ata nun 75 % as súas capturas” e advertiu “das consecuencias para o sector, especialmente na comarca da Mariña, pola actividade económica que xeneran os portos de Celeiro e Burela, con barcos que se dedican ao pincho, ao arrastre e á volanta”.
Na defensa da moción, lembrou que “a frota galega traballa baixo unha estrita regulación e control, cumprindo coas normativas de aplicación á súa actividade“ e criticou as eivas do regulamento da Comisión Europea “totalmente desproporcionado, pouco fundamentado e proposto de xeito indiscriminado para todas as artes e frotas”.
Con eses argumentos, Mónica Freire pediu ao goberno do Estado “responsabilidade con Galiza” e á Xunta “ser útil ao sector pesqueiro”, afeando que a Consellería do Mar se limitase ata o momento “a mandar unha folla de recollida de sinaturas aos alcaldes e alcaldesas onde se lles pide recabar sinaturas para apoiar un manifesto, que é do 5 de xullo, e que trata basicamente sobre a defensa da Política Pesqueira Común e da propia Comisión, que é xustamente a que nos está arruinando”.
A deputada nacionalista concluíu incidindo na necesidade “de autogoberno e capacidade política” para defender os intereses da frota galega ante a Comisión Europea e “dunha revisión da política pesqueira común, para reformala por completo e poñela ao servizo do sector”.
Apoio á ILP de medidas urxentes para fortalecer a Atención Primaria
O grupo provincial do BNG tamén sacou adiante a moción de apoio a ILP de medidas urxentes para recuperar e fortalecer a Atención Primaria, que está a impulsar tamén con accións a pé de rúa, organizando recollidas de sinaturas en localidades das distintas comarcas.
A proposta, aprobada malia a oposición do Partido Popular, recolle as actuacións necesarias para garantir unha asistencia de calidade no sistema sanitario público. Entre elas, incrementar o persoal sanitario e administrativo dos centros de saúde; redimensionar os cadros de persoal incorporando novas categorías profesionais aos equipos como psicoloxía, fisioterapia, atención temperá ou logopedia para desmedicalizar a atención e ofrecer unha asistencia integrada; recuperar as Xerencias de Atención Primaria para dotalas de capacidade de planificación e autoxestión ou incrementar o orzamento de Atención Primaria ata alcanzar o 25% do total.
O voceiro nacionalista Efrén Castro valorou o voto en contra do Partido Popular como unha mostra da folla de ruta do PP, “sanidade privada e rebaixas de impostos aos que acumulan patrimonio” e reiterou a demandas do Bloque Nacionalista Galego: “inversión para que haxa profesionais ben remunerados e en condicions dignas e repercuta nunha atención maioritariamente presencial e de calidade”
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
