A frente nacionalista reclama “atopar a posibilidade de achegar esa axuda económica por outra vía” ante a negativa do Ministerio de Turismo de empregar os fondos do Plan Turístico Xacobeo
Madrid, 1 de setembro de 2022. O Bloque Nacionalista Galego vén de coñecer, en resposta a pregunta rexistrada o pasado mes de xuño polo deputado no Congreso Néstor Rego, a negativa do Goberno do Estado de investir os fondos comprometidos dentro do Plan Turístico Xacobeo de 2 millóns de euros no mosteiro de San Salvador de Lourenzá na comarca da Mariña. A organización nacionalista entende que se deben realizar todas as actuacións posíbeis para evitar o deterioro deste inmóbel, máis aínda cando a Xunta de Galiza está a rehabilitar a parte sur, e reclama ao Ministerio de Turismo que achegue a inversión económica por outra vía que faga posíbel a intervención e reparación do inmóbel declarado Ben de Interese Cultural.
“É necesaria unha intervención e unha reparación urxente nesta zona do mosteiro e o Goberno do Estado debe facelo de maneira inmediata” explica o deputado do BNG no Congreso após recibir a resposta do Ministerio de Turismo. Nesta, o executivo estatal comunica que o mosteiro de San Salvador de Lourenzá non entrará dentro do Plan Xacobeo 2021-2020 alegando que unha parte do mosteiro non é de titularidade pública.
Mais a frente nacionalista sinala que este inmóbel reúne o resto de condicións materiais para que se rehabilite máis, se cabe, cando se conta cunha cesión da titularidade en favor dunha Administración Pública. O feito é que se iniciaron os trámites para a sinatura dun convenio de cesión demanial da zona a rehabilitar ao Concello de Lourenzá por parte da Igrexa porque dentro do programa do Ministerio, recollíase o compromiso de, a través dos fondos Next Generation EU, investir un total de 2 millóns de euros no mosteiro de San Salvador de Lourenzá.
Dita cesión non chegou a efectivizarse despois de que o Ministerio negase a posibilidade de realizar o investimento anunciado pola titularidade do ben. “Non se entende que o Ministerio deixe de lado a negociación do convenio de cesión” subliña Rego.
Por iso, o deputado nacionalista apunta que, se o Ministerio descarta as actuacións de rehabilitación a través do Plan Turístico Xacobeo, a Administración estatal “debe atopar a posibilidade de achegar esa axuda económica por outra vía” e atopar a mellor fórmula coa que desenvolver esa intervención. Unha das posibilidades atópase no Plan de Recuperación, Transformación e Resiliencia que, no seu compoñente 14, prevé instrumentos para a rehabilitación do patrimonio histórico de uso turístico por valor de até 500 millóns para o trienio 2021-2023.
Cabe lembrar que a Xunta de Galiza, após varias iniciativas do BNG rexistradas no Parlamento galego, está a realizar actuacións de rehabilitación na parte sur do mosteiro. Neste sentido, o deputado do BNG sinala que sería o momento preciso para comezar as obras de restauración e rehabilitación na parte norte do inmóbel. “É notábel o deplorábel estado de conservación que presentan os claustros e as transversais do propio edificio que impiden que poidan ser utilizadas pola pouca seguranza que presentan se non existe unha intervención” conclúe Rego
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
