O voceiro, José Manuel Gómez Puente, condena que “o baño da praia de Arealonga en San Miguel estivese pechado durante todo o verán”
Barreiros, 14 de setembro de 2022. O PP de Barreiros propón a apertura dos baños públicos que se atopan a pé de praia nas debidas condicións durante a temporada alta: Semana Santa e o verán incluídos os meses de xuño e setembro. Así o trasladan tras escoitar as queixas dos veciños e veciñas debido a que “estes servizos están actualmente pechados cando moitos veciños e turistas seguen acudindo aos nosos areais aproveitando o bo tempo”.
O portavoz, José Manuel Gómez Puente, engade ademais que “o baño da praia de Arealonga, en San Miguel, estivo pechado todo o verán sen que o goberno local fixera nada por abrilo e mantelo nas adecuadas condicións para prestar este servizo na zona”.
Tendo en conta que os areais son unha gran riqueza para o municipio e tamén un importante reclamo para o sector turístico, o PP de Barreiros cre que “o goberno municipal debe xestionar adecuadamente os servizos da súa competencia. Supoñen un beneficio non só para o sector turístico, senón tamén para tódolos veciños e veciñas que poidan facer uso de instalacións coma as dos baños públicos dos areais. Son pequenos xestos de apoio a un sector económico e, ao mesmo tempo, un servizo para os barreirenses”, defenden.
En relación á xestión do goberno local sobre os servizos nos areais, os populares xa teñen advertido en varias ocasións da falta de implicación por parte do goberno local que preside a nacionalista Ana Ermida coa apertura do acceso á praia de San Bartolo. Por outra banda lembran tamén que “despois de varios días de verán, a área recreativa da Anguieira tampouco estaba debidamente rozada e acondicionada de forma que os veciños non podían facer uso deste espazo e os visitantes levaron unha mala imaxe de Barreiros”.
“Estes son algúns exemplos máis da falta de xestión parte do goberno nacionalista que reflicte unha total falta de vontade por manter as instalacións municipais en boas condicións e prestar aos veciños os servizos que demandan”, conclúe o portavoz.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
