O 112 Galicia era informado pasadas as 17:30 horas desta tarde dunha muller de avanzada idade que fora atropelada na estrada que conduce de Cervo a Celeiro. Segundo indicaba un particular que se atopaba na zona no momento do accidente, a persoa quedara tendida na vía, e aparentemente perdera o coñecemento. Foi entón cando dende o 112 coordinouse a acción dos servizos de emerxencias: ata o punto desprazáronse o persoal de Urxencias Sanitarias de Galicia-061, o GES de Cervo e a Garda Civil de Tráfico. Ademais, foron informados os Bombeiros de Viveiro, que finalmente non tiveron que intervir. A pesar dos esforzos dos servizos sanitarios, nada se puido facer por salvar a súa vida.
Unha muller maior falece tras ser atropelada por un turismo en Cervo
Relacionado
-
Cervo e O Valadouro celebran este domingo a II Xuntanza na Punta da Carretera para reforzar a convivencia veciñal
-
Cervo Concilia pecha o taller de emocións tras un verán de aprendizaxe e xogo
-
Máis de 30 nenos e nenas participaron nas sesións de ioga organizadas polo Concello de Cervo dentro do programa estival Enredando no verán
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.