A conselleira do Mar chama ao conxunto da cidadanía galega a apoiar a un sector fundamental para a economía de Galicia e que mañá se vai mobilizar en Ribeira contra unha medida que se adoptou en base a datos parciais e sen actualizar
Santiago de Compostela, 7 de outubro de 2022. A conselleira do Mar, Rosa Quintana, mantivo hoxe un novo encontro con representantes do sector pesqueiro galego e xuristas especializados para analizar os últimos acontecementos sobre o veto á pesca de fondo decretado por Bruxelas. A titular de Mar entregou ao sector un documento con argumentos sólidos recompilados nas últimas semanas cos que fundamentar os recursos individuais que decidan presentar as casas armadoras na defensa dos seus intereses.
A representante do Executivo galego aclarou que esa mesma análise vai ser enviada tamén ao Goberno central co obxectivo de fortalecer o recurso que o Estado vai presentar contra o regulamento de execución publicado o pasado 19 de setembro no Diario Oficial da Unión Europea.
Rosa Quintana salientou que o domingo entra en vigor a prohibición de faenar en certas zonas de augas comunitarias, o que vai provocar que moitos buques de capital galego teñan que desprazarse a áreas nas que xa hai outros pesqueiros traballando e que tamén se van ver prexudicados polo solapamento de espazos de pesca.
Por iso, a conselleira apelou á necesidade de que o Goberno central presente canto antes o recurso contra esta medida, solicite a suspensión temporal da súa aplicación e realice de xeito paralelo as xestións políticas pertinentes co obxectivo de acadar unha moratoria. Tanto a suspensión temporal como a moratoria, dixo, permitirían gañar tempo para revisar a medida cos últimos informes científicos e socioeconómicos dispoñibles e que a frota poida salvar a campaña de Nadal.
A titular de Mar subliñou que a Comisión Europea debería reflexionar sobre o modelo de xestión pesqueira que está levando pois provoca a concentración de buques nos mesmos caladoiros, o que pode derivar nunha sobreexplotación dos recursos e que especies que están en bo estado biolóxico poidan chegar a estar en risco.
Nesta liña, incidiu en que os pescadores son os primeiros interesados en practicar unha pesca sustentable, pois é a base do seu futuro, e que sempre estiveron comprometidos co cumprimento de todas as normativas que inciden na súa actividade. Neste sentido, lembrou que a maioría de stocks nos que faena a frota galega se atopan en bo estado e que o sector pesqueiro sempre mostrou o seu compromiso coa sociedade traballando incluso nos momentos máis difíciles -como a pandemia da covid-19- para ofrecer alimentos de calidade aos consumidores.
Rosa Quintana asegurou que é de xustiza que a frota teña seguridade xurídica e que o conxunto da cidadanía apoie aos pescadores ante unha medida totalmente inxusta e adoptada de xeito unilateral, sen consultar aos principais afectados e baseándose en datos parciais e sen actualizar.
Apoio da sociedade
Por iso, pediu ás galegas e galegos que apoien ao sector nestes difíciles momentos -dado o veto vai impactar no conxunto da economía de Galicia- e animounos a participar mañá na concentración que se vai celebrar en Ribeira en apoio ao sector pesqueiro e contra o veto aprobado por Bruxelas. “Estamos ante un sector responsable e comprometido coa sociedade, polo que debe recibir todo o noso apoio na defensa dos seus intereses, porque é fundamental para Galicia”, concluíu.
O veto á pesca de fondo decretouse sen a debida consulta ao sector e aos países implicados, un feito polo que onte mesmo o Parlamento Europeo solicitou a súa revisión. Rosa Quintana apelou a que a Comisión Europea escoite o clamor que hai en contra desta medida, rectifique e inicie unha consulta exhaustiva a todas as partes implicadas.
A conselleira do Mar estivo acompañada na xuntanza polo director xeral de Pesca, Acuicultura e Innovación Tecnolóxica, Antonio Basanta, e nela participaron representantes das principais asociacións da frota así como xuristas especializados neste tipo de cuestións da Fundación MarInnLeg e do Instituto de Estudos Europeos Salvador de Madariaga da Universidade da Coruña.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
