Barreiros, 7 de outubro de 2022. O Concello de Barreiros vén de instalar dúas plataformas-miradoiro ao carón da ría de Foz-Masma.
Segundo o Alcalde en funcións, Antonio Veiga, “estas infraestruturas atópanse nos lugares coñecidos como A Barcela e Pallares, localizacións desde as cales se obteñen unhas fermosas vistas deste espazo natural protexido e de gran beleza paisaxística”.
A Ría de Foz-Masma forma parte da Rede Natura 2000 baixo as figuras de protección ambiental “Zona de Especial Protección para as Aves (ZEPA)” e “Zona de Especial Conservación (ZEC)”. Así, xunto coa Zona de Especial Conservación As Catedrais, ambos recursos están integrados nesta rede europea de espazos protexidos, considerada un importante instrumento para fomentar a conservación e posta en valor da biodiversidade.
Segundo o Concelleiro de Medio Ambiente e Rural, Dámaso Ratoeira, “unha das claves para fomentar a conservación do patrimonio, sexa natural ou cultural, é favorecer o achegamento da sociedade aos seus valores fomentando a súa visión como parte da nosa identidade cultural e concienciando sobre o papel que xogamos na súa conservación”.
As actuacións comprenden dúas anualidades. Así, neste ano 2022 procedeuse á instalación destes dous miradoiros acompañados de cadansúa mesa interpretativa e de bancos para gozar con calma das vistas a este espazo natural. Ademais, instalouse a estrutura doutra mesa interpretativa no lugar de Xestelo, tamén ao carón da ría.
Xa para o 2023, está prevista a colocación dos paneis informativos nestas tres mesas interpretativas que xa están colocadas así como a instalación doutras tres que non só versarán sobre a ría senón que tamén comprenderán os valores ambientais, xeolóxicos e culturais da Zona de Especial Conservación As Catedrais. Polo tanto, esta posta en valor dos recursos naturais tamén abarcará a franxa litoral entre a praia de Arealonga e a de Lóngara.
Todos estes puntos se integran no itinerario do Camiño Natural do Cantábrico. Ademais, tanto ámbolos miradoiros como a mesa interpretativa de Xestelo se atopan no percorrido da recentemente remodelada ruta de sendeirismo “Lagoa de Pallares”. Tanto destas sendas como dos espazos naturais da Rede Natura 2000, se pode atopar información na páxina web municipal de turismo www.barreirosturismo.gal.
Estas actuacións realizáronse en base á convocatoria da Consellería de Medio Ambiente, Territorio e Vivenda da Xunta de Galicia, para os anos 2022-2023. Trátase de axudas a investimentos en espazos Rede Natura 2000 de Galicia, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, xunto coa aportación realizada polo Concello de Barreiros.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
