Os concelleiros populares lamentan os meses de retraso na tramitación da nova licitación do Servizo de Axuda no Fogar debido a que o alcalde non atendeu ao que lle dixeron no pasado mes de marzo
Foz, 18 de outubro de 2022. Unha vez máis, queda claro, asegura o portavoz dos populares de Foz, Javier Castiñeira, que o alcalde, Fran Cajoto, “acerta cando rectifica”. Así ocorre na licitación do Servizo de Axuda no Fogar (SAF). Castiñeira di: “O tempo dá novamente a razón ao PP cando falamos do SAF, que leva máis de tres anos caducado”. O PP, lembra o seu portavoz, “vén reclamando ao goberno local que canto antes actualice ese servizo”. En marzo pasado, o PP avisou a Cajoto no pleno de que a memoria para a licitación “estaba desactualizada, porque era do 2021, prevía prezos totalmente desfasados e custos irreais, moito máis baixos do servizo a día de hoxe; consideraba un IPC que non era o real; incluso ás horas que se prevían eran moitas menos das que actualmente ten autorizadas o goberno”. Agora, por fin, Cajoto rectifica e saca o servizo de novo a licitación, pero cunha memoria actualizada, como lle dicía o PP.
Castiñeira explica: “En marzo pasado, o señor alcalde non quixo facernos caso e seguiu adiante coa licitación. Aos poucos meses tivo que volver atrás por diferentes alegacións. Agora volve sacar o servizo a licitación e faino como lle dixo o PP, cunha memoria actualizada, na que se demostra que o señor alcalde e o equipo de goberno estaban totalmente errados. Dos 5 millóns de euros de custo que estimaban en marzo de 2022, ímonos a 6.500.000 euros; dos 18,10 euros en que calculaba o prezo da hora, agora pasa a 19,75 euros, e das 63.000 horas agora pasamos a 74.400”.
Castiñeira manifesta: “O señor Cajoto acerta cando rectifica e unha vez máis se demostra que o PP tiña razón e que o Partido Popular de Foz está funcionando dende a oposición; o lamentable é que o señor Cajoto non faga máis caso. Estamos contentos de que desta volta poida saír adiante este concurso, pero lamentamos que se perderan meses porque o alcalde non quixo escoitar á oposición, que neste caso tiña moitos máis datos e moito máis traballado ese concurso que o propio equipo de goberno”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
